Diyarname

Îşev fînala kûpaya mezin, maça fînalê ya Lîga Şampiyonan heye. Du tîmên îngilîz derketine fînalê û ewê bi hev re bilîzin. Manchester City yan Chelsea dê bi ser bikeve? Em meraqê deynin aliyek û îstatîstîkan pêşkêşî we bikin:

- Maç 29'ê mehê li gor saeta Amedê saet 22.00'an de tê lîstin. Maç li Portoya Portekîzê tê lîstin.

- Her du tîm heta niha 166 maçên fermî de hatine hemberî hev, Chelsea 68 caran, MC 58 caran bi ser ketiye û di 40 maçan de jî wekhev mane.

- Di 15 maçên dawî de City 8, Chelsea 7 caran bi ser ketiye.

- Di Lîga Şampiyonan de bû 3 caran du tîmên îngilîz bi hev re derdikevin fînalê: Sala 2008 Manchestir United-Chelsea, sala 2019'an de Liverpool-Tottenham, sala 2021'ê de Manchester City-Chelsea.

CHELSEA

- Chelsea di Maçên Koman de (Koma E de bû) ligel Sevilla (Spanya), Rennes (Fransa) û Krasnodar (Rusya) lîst. Bi 14 pûanan wekî yekemînê komê derbasî maçên 16'an bû.

- Di maça 16'an de neqîb Atletico Madrid bû. Chelsea bi 1-0 û 2-0 di her du maçan de bi ser ket.

- Di çarîk fînalê de li mala xwe Porto bi 2-0 têk bir, li deplasmanê bi 1-0 têk çû.

- Di nîv fînalê de reqîb Real Madrid bû û di maça yekem de 1-1 ma, di maça duyem de bi 2-0'ê navê xwe li tabelaya fînalê kir.

- Chelsea heta fînalê tenê di maçeke de têk çû. Tîmê di 12 maçan de 8 caran bi ser ket, 3 caran wekhev ma û carek têk çû. 

- Heta niha bi temamî 22 gol avêtin û 4 gol xwarin.

- Chelsea heta niha du caran fînal lîstiye: 200-08, 2011-12. Di ya pêşî de bi penaltiyan li hemberî Manchester Unitedê têk çû, di ya diduyan de bi penaltiyan Bayern Munih têk bin û yekem car ev kûpa bir mala xwe.

- Teknîk Dîrektorê tîmê Thomas Tuchel ger bi ser bikeve yekem car dê vê kûpayê bigire. Teknîk dîrektorê alman ê 47 salî par berpirsê PSG'ê bû, derketibû fînalê lê bi ser neket. Îsal ligel PSG'ê dest bi serdema lîgê kir, lê qaşê veqetiya. Chelsea piştî Frank Lampard peywir da wî.

MANCHESTER CITY

- Tîma Manchester City (MC) di dîroka xwe de qet ev kûpa bi dest nexistiye.

- MC di 12 maçên Lîga Şampiyonan a îsal de 11 caran bi ser ket, carek têk çû. Di van maçan de 25 gol avêtin û 4 got xwarin.

- Di maça koman de bi 16 pûanan wekî yekemîn derbasî Dora 16'an bû.

- Di Dora 16'an de tîma alman Borussia Monchengladbach bi 2-0 têk bir.

- Di çarîk fînalê de tîmek din a alman bû reqîb: Borussia Dortmund: Di her du maçan de jî bi 2-1 bi ser ket.

- MC'yê di nîv fînalê de tîma fransiz PSG şand mal. Di maça yekemîn de 2-1 bi ser ket, li mala xwe jî bi 2-0 bi ser ket û yekemîn car derket fînala Lîga Şampiyonan.

- MC wekî taktîk bê golavêj derdiket sehayê. Loma meha her lîstikvan xwedî golan e. Riyad Mahrez (ji Cezayîrê) û Ferran Torez (Ji Spanyayê) her yekî 4 gol avêtin. Kevin De Bruyne, Phil Foden û İlkay Gundogan her yekî 3 gol, Sergio Aguero û Gabriel Jesus jî her yekî 2 gol avêtine.

- Piştî ku Pep Guardiola li MC'yê hat ser kar MC'yê hedef bilind kir. Di 10 salên dawî de MC li Premier Lîgê 5 caran bû şampiyon lê li Ewropayê heta niha nekariye serketinek mezin bi dest bixe. Niha ew firsend li ber destê wan e.

- MC'yê di sala 1969-70'yê di Fînala Kûpaya Serketiyên Kûpaya UEFA'yê de bi ser ketibû û yekem car kûpayeke navneteweyî bi dest xistibû. Niha dixwaze vê serketinê dubare bike.

- Teknîk Dîrektorê MC'yê Pep Guardiola xwedî gelek serketiyan e. Heta niha wekî teknîk dîrektor 31 kûpa girtine. Li dinyayê Aleks Ferguson 38 kûpa girtine ku li dinyayê bi vê teknîk dîrektorê herî zêde kûpa bi dest xistine ye. Piştî wî Mirca Lucescu tê ku wî 34 kûpa girtine. Valeri Lobanovsk û Guardiola 31 kûpa girtine. Ger Guardiola bi ser bikeve dê bibe xwedî 32 kûpayan û bibe duyemîn.