Diyarname

74'emîn Festîvala Fîlman a Cannesê îsal Xelata Palmiyeyê ya Rûmetê dide Jodie Foster. Festîval îsal di navbera 6-17'ê tîrmehê de li dar dikeve.

Lîstikvana navdar Jodie Foster heta niha du caran Oscar girtiye, Xelata Globa Zêrîn, BAFTA, SAG jî di nav de gelek xelat girtine. Jodie Foster vê carê li Cannesê tê rûmetdarkirin. 6'ê tîrmehê şeva destpêkirina festîvalê de dê xelatê bidin Jodie Foster.

Heta niha kesên wekî Jeanne Moreau, Bernardo Bertolucci, Alain Delon, Agnes Varda bi Xelata Palmiyeyê ya Rûmetê hatibûn xelatkirin.

Foster diyar kiriye ku Cannes wisa festîvalek e ku ew gelek tiştên xwe deyndarê wê ye û ji bo xelatê sipasiyên xwe aniye ziman.

Jodie Foster di sala 1962'yan de li Los Angelesa DYA'yê hatiye dinê. Sala 1976'an di fîlmê Martin Scorsese yê bi navê "Taksi Driver" (Ajokarê Teqsiyê) de lîstiye û bi vê hatiye Cannesê. Li vê darê bal kişand ser xwe û di qada sînemayê de rê li ber vebû.

Serokê Festîvalê Pierre Lescure ji bo Foster wisa gotiye, "Aurayeke wê ya taybet heye. Hemdemîbûna wê, serbixwebûna wê, aqilê wê yê biriqoq û pêdiviya wê ya bi azadiyê, van di bedenê xwe de dihebîne."