Diyarname

Navenda Lêkolînên Saha ya Sosyo Polîtîk di navbera rojên 25-30'ê gulanê de li 16 bajarên kurdan ligel 1064 kesî anketek rû bi rû çêkir. Ji wan sedî 42,5 gotiye vê yekşemê hilbijartin çêbe ezê dengê xwe bidim HDP'ê.

Anket li Amed, Mêrdîn, Riha, Wan, Batman, Sêrt, Şirnex, Culemêrg, Agirî, Mûş, Çewlig, Bedlîs, Semsûr, Qers, Dêrsim û Îdirê hatiye çêkirin.

Va ne ji wê anketê hin îstatîstîk:

- Bi ya we pirsgirêka sereke ya Tirkiyeyê çi ye?

Sedî 54,6 gotiye aborî/betalî, sedî 17,6 gotiye pirsgirêka kurd.

- Pergala Serokdewletî hûn serketî dibînin?

Sedî 14.6 gotiye serketiye, sedî 20,8 gotiye fikar min nîn e, yên din gotine ne serketî ye.

- Hilbijartineke pêşwext divê?

Sedî 65 gotine erê, sedî 17,8 gotina na, sedî 17,2 gotine bê biryar im.

BANDORA PEKER

- We îdîayên Sedat Peker ên li ser rayedarên hikumet û dewletê bihîstin?

Sedî 78 gotine erê, sedî 22 gotine na.

- Bandora Sedat Peker di dengdana te de tu guhartin çêkir?

Sedî 50,3 gotiye na, sedî 19,3 gotiye partiya ez deng didim hê zêdetir ez pêre hatin girêdan. Tenê sedî 4,2 gotiye min biryar da partiya ez deng didim ezê biguherînim.

- Di rewşa niha de hûn deng didin van îtîfakan?

Sedî 37 gotiye partiya ez deng didim di nav de be ezê deng bidim. Sedî 35,4 gotiye bi tu awayî ez deng nadim îtîfaqên niha. Sedî 15,4 gotiye ez deng didim Îtîfaqa Komarê, sedî 7,3 gotiye ez deng didim îtîfaqa Miletê.

PIRSA ÎTÎFAQÊ

- Bi ya we divê HDP di nav îtîfaqeke çawa de cih bigire?

Sedî 48,5 gotiye divê bi tu awayî di nav tu îtîfaqê de cih negire. Sedî 14,8 gotiye Îtîfaqa Miletê, sedî 13,7 gotiye di nav îtîfaqeke nû ku DEVA û CHP jî di nav e bin. Sedî 9,9 gotiye tu fikra min nîn e, sedî 7,9 gotiye ez bê biryar im, sedî 4,8 gotiye divê di nav îtîfaqa Komarê de cih bigire.

DENGÊN HDP'Ê

- Ji kesên bersivan van dengan dan hat pirsî: Di 24'ê pûşpera 201258'an de we deng da kîjan partiyê?

Sedî 39,9 HDP, sedî 31,5 AKP, sedî 14,2 gotiye min deng neda, sedî 4,8 gotiye CHP...

- Vê yekşemê hilbijartin çêbe hûn dê dengê xwe bidin kîjan partiyê?

Sedî 42,5 gotiye HDP, sedî 22 gotiye AKP, sedî 8 gotiye ez deng nadim, sedî 7,5 gotiye ez bê biryar im, sedî 6,3 gotiye CHP, sedî 3,6 berisv nedaye, sedî 2,9 gotiye Îyî Partî, sedî 2,6 gotiye MHP, sedî 2,6 gotiye DEVA... Para din jî partiyên din.