Diyarname

Li Spanyayê hikumet dixwaze girtiyên siyasî yên katalan efû bike lê li hemberî vê yekê çalakiyeke bi beşdariya deh hezaran kesî lidar ket.

Saziyeke sivîl bi navê "Platforam Sivîl Union 79" bang li gel kir ku beşdarî çalakiyê bibin. Çalakiya protestoyî li Meydana Colon a li Madrîdê li dar ket. Endamên partiyên rastgir ên tundiraw jî têde li dor 125 hezar kesî beşdarî çalakiyê bûn. 

Çalakgeran Serokwezîr Pedro Sancez bi "xirakirina demokrasiyê, îxaneta li welat, serîtewandina li hemberî derbeya katalan" sûcdar kir. Her wiha çalakgeran got ku katalanên siyasî bêne efûkirin dê bibe sedema "Binpêkirina zagona bingehîn û êrîşa li hemberî demokrasiya Spanyayê".

Beşdaran di çalakiyê de alên Spanyayê bilind kirin û diruşmên wekî "Katalonya Spanya ye", "Sanchez êdî here", "Sanchez îstîfa", "Bijî Spanya" bilind kirin.

Koalîsyona çepgir a Spanyayê dixwaze heta dawiya havînê ji bo girtiyên katalan efûyê derxe û ligel hikumeta li Katalanyayê hatiye avakirin jî diyalogê saz bike.