Diyarname

Festîvala Fîlman a Cannesî ke yew festîvalanê pîlan a dinya ra ya bi merasimêke beyray xo kerdî a. Festîvale zey fîlmê destpakerdişî fîlmê derhênerê fransiz "Annette" mot ra.

Festîvala Fîlman a Cannesî emsar rey 74'inan dest pa kerd. Festîvale par semedê pandemî nêviraziyabî, emsar zî wexto ca tepiya eyşt û enka dest pa kerde.

Derhênerê fîlmê "Parazît" ke xelatey "Palme d'Or" (Palmiyeya Zêrîne) girot bî, Jodie Foster ke di 13 serî xo de hamebî Cannes zey mêymanê rûmete festîvale de hedrey bî. Reyna Pedro Almodovar, Jessica Chastain, Helen Mirren û Bella Hadid zî tede zehf tenê bi name û veng hamey festîvale.

Emsar Serokê Juriyê Festîvale derhêner Spike Lee yo. Yê di serey 1989'inan de  fîlmê xo "Do the Right Thing" festîvale de motnabî ra. Fîlm de bi mîzahî nijadperestî rexne kerd bî. Lee, va ke a çaxî ra nat zêde cî nêbedeliyayê û serê ew şîdetê polîsan ke di serey 2014'inan de Eric Garner, serey 2020'inan de George Floyd kişt bî vindert.

Endamana juriyan ra Maggie Gyllehhall vat ke dimay 15 aşman ra reya yewîna ke a şina saloney sînema.

Di festîvale de 24 fîlmî qeybî Xelata Palmiyeya Zêrîne kunê pêşbazî. Festîvale heta 17'ê aşme dewam kena. Festîvaley Cannesî her sere aşmey gulanî de virazêna, par semedê pandemî betal kerdebî, emsar jî qeybî ene aşme hamîbî taloqkerdiş.