Diyarname

Avakarê Amazonê Jeff Bezos, ligel birê xwe Mark Bezos, pîlota berê ya 82 salî Wally Funk û xwendekarekî 18 salî yê bi navê Oliver Daemen bi roketê çû fezayê. 

Roket ji aliyê kompaniya Bezos a bi navê "Blue Origin" ku li ser fezayê lêkolîn û xebat dike hat çêkirin û roket şandin fezayê. Li gor saeta Amedê îro saet 16.12'yan de ji Teksasê kapsula roket firandin fezayê û rêwîtiya wan 11 deqe dom kir. Rêwêtiya wan a kurd a li fezayê temam bû û ew vegeriyan dinyayê.

Kapsula ku şandin fezayê di nav kapsulên heta niha hatine şandin de a xwedî pencereyên herî mezin e. Kapsula ku navê "New Shepard" lêkirine ji bo tûrîzma fezayê hatiye amadekirin.

Berî firinê Jeff Bezos ji bo kanala CBS axivî û got: "Ez gelek bi heyecan im. Mirov dipirsin ez ditirsim yan na. Ez natirsim lê meraq dikim. Ez meraq dikim ku ka emê çi hîn bibin. Me perwerdehî girt. Kapsul û yên dê bixebitînin amade ne. Her kes baş e."

Wally Funk a 82 salî jî ji bo heman kanalê got: "Ev dê çêbe. Ji bo ez herim jor ez salên gelek dirêj li bendê mam û min xeyal dikir. Ez li bendê me li cihên ku erd mirov ber bi xwe ve nakişîne de emê çawa teqleyan biavêjin."

Funkê di salên 1960'an de di nav projeya birina jinan a fezayê de cih girtibû lê proje bi ser neketibû û çûyîna wê jî mabû niha.

Li gor planê kapsul di 76 kîlometre îrtîfadayê de ji roketê veqetiya. Roket vegeriya navenda platformê, kapsul ber bi 106 kîlometre bilindahiyê ve ket rê.

Mîlyarderê îngilîz jî çûbû

Mîlyarderê îngilîz karsaz Richard Branson 9 roj berê li balafinê fezayê Virgin Galactic rêwîtiyeke wisa kiribû. Virgin Galactic gotibû her tûrîstê biçe vê gerê dê 250 hezar dolar pere bide. Lê Bezosê hê buhaya gera ligel "New Shepard"ê eşkere nekiriye. 

Bezos ê 57 salî bi 200 mîlyor dolar serwetê xwe yê şexsî wekî kesê herî dewlemend ê li dinyayê tê hesibandin. Bezos par ji bo hê zêdetir demê ji bo kompaniya xwe Blue Originê veqetîne ji CEO'tiya Amazonê îstîfa kiribû.

(Ji aliyê çepê ve) Mark Bezos, Jeff Bezos, Oliver Daemen û  Wally Funk (ya rûniştî) çûn fezayê û vegeriyan.