O. Faruk ÇETÎN

Mamoste Şaban Şenateş ke bi xebatey xo ya serê dimilî (kirmanckî/zazakî) hamebî naskerdişî, şopda corona ra şî heqey ser, bi diayan arşawîya dinîya bîne.

Ê, di Sêwrege de serê zaravaya dimilî (kirmanckî/zazakî) de xebatênda dûr û xworîni kudênayê, herkesî ra pers kerdê. Binê qisan aşanayê, çîrra ci veti. Destpey kerdena na xebati bê sebeb nîya. Sebeb û medaya ci ya siftekêni demê wendişê unîwersîteyî de qewmperesteya profesoran a. Mamoste Şabanî ma rê tim qal kerdê ki; "Profesorên ma rê vatê: 'ziwanê kurdî çinyo, ziwanan ra jî nêhesibyeno'. No înkar bol zor dê mi şî. Mi jî xwu rê soz da ki; ez a qala nê merdimî bi xebatda xwu ya pûçkera." La çi heyf ki na şopa bêveng û bê bavi mamoste Şabanî hem ma ra abirnê hem jî xebatandê ci ra.

Mamoste Şaban Şenateş 22'yê Tebaxê 2021'iyan de wefat kerd û cenazeyê ê di Qebristanê Goksuguzelî di defin bî.

Mamoste Şaban Şenateş kam o?

Mamoste Şaban Şenateş di serey 1966'inan de,  Dewa Sêwregi Girgomez di yeno dinya. Mektebê xwu yê siftekênî Sêwreg û Wêranşar di waneno. Lîse jî Bîtlîs Oğretmen Lisesî di waneno tepîya unîwersîteya Marmaray di beşa Tarîxî qedneno. Ew Şîrwanê Bedlîsî de di dest bi mamostetî keno. Bado yeno Sêwreg de mamostetiya xwu domneno. Nê deraxî di dest bi "Vajekano Dimilî" keno. 28 serran di çoşmeyê 50.000 çekû resneno pê.

Hebê maqale û şiîrê ci pêserika Nûbiharî di weşaneyayê. 

Maqale, estanik û rîsale-î nûr ra çend beşî, qandê qeçekan çend hîkayey, keçelek (Keloglan) ew George Oliver Hayvan Çiftligi açarnayo dimilî.

Bi îzindê Ellay a nê eserê ci do nezdî ra bêrê çapkerdeni.

 Ellah bi rihmda xwu ya şa kero! 

Qebra ci gul û nûr bo!

**

Têbinî Diyarnameyî: Ferhengê ê bi kirmancî (zazakî) ke dewrê 50 hezar çekûy tede estê verê destê Weşanxaney Nûbiharî de wo. Go bêro çapkerdişî.