DiyarName.Com

'Yaramaz Çocuklar' Xelata Gûzika Zêrîn, 'Çîroka Zîn û Alî' Xelata Yilmaz Guney girt

Li Festîvala Fîlmana Gûzika Zêrîn a Edeneyê fîlmên serketî hatin xelatkirin. Fîlmê Ahmet Nejdet Çupur ê bi navê "Yaramaz

Diyarname

Li Festîvala Fîlmana Gûzika Zêrîn a Edeneyê fîlmên serketî hatin xelatkirin. Fîlmê Ahmet Nejdet Çupur ê bi navê "Yaramaz Çocuklar" xelata mezin Xelata Fîlmê Serketî girt. Fîlmê bi kurdî yê Mehmet Alî Konar "Govenda Alî û Zîn" Xelata Yilmaz Guney û Xelata Siyadê ya Cuneyt Cebenoyan girt. Derhênerê fîlmê "Sen Ben Lenin" Tufan Taştan bi ku Xelata Gel a Edeneyê girt, xelata xwe diyarî Dayikên Şemiyê û zarokên wan ên hatine windakirin kir.

Ji bo belavkirina xelatên 28'emîn Festîvala Fîlman a Gûzika Zêrîn a Edeneyê merasim hat li darxistin. Pêşkêşvaniya merasimê Şemnem Ozinal û Volkan Severcan kirin. Merasim bi pêşkêşkirina strana Feridun Duzagaç "Unutma Beni" (Min ji bîr neke) dest pê kir. Duzagaç ku di heman demê de îsal endamê juriyê bû strana xwe ji bo kedkarên sînemayên ên ku mirine û ji bo yek ji dîrektorên sînemayê Kadir Beycioglu ku ew jî miriye vegot.

SÎNEMAGER HATIN BIBÎRANÎN

Festîval ji aliyê Şaredariya Bajarê Mezin a Edeneyê ve tê organîzekirin û Şaredar Zeydan Karalar ku Serokê Rûmetê yê Festîvalê ye axaftina destpêkê kir. Karalar got; "Ji Edeneya navenda huner, çand, sînema, Orhan Kemal, Yaşar Kemal, navenda xweza, aştî, biratî, navenda tehmê ye, ez hemû Tirkiyeyê bi hezkirin û hurmetê silav dikim."

XELATA YILMAZ GUNEY

Ji xelatên mezin derhêner Ahmet Necdet Çupur bi fîlmê xwe "Yaramaz Çocuklar"Xelata Fîlmê Serketî ya Gûzika Zêrîn girt.

Nisan Dag bi fîlmê xwe "Bir Nefet Daha" Xelata Derhênerê/a Serketî girt.

Bi rola di fîlmê "Koridar" de Emel Goksu û Ayşe Demirel "Xelata Lîstikvana Herî Serketî", bi rola di fîlmê "Cemil Şov" de Ocan Çelik "Xelata Lîstikvanê Herî Serketî" girt.

Derhênerê kurd Mehmet Ali Konar ku bi fîlmê xwe "Çîroka Dayika Zîn û Alî" li festîvalê bû bi du xelatan ji wir vegeriya. "Xelata Yilmaz Guney" û "Xelata Cuneyt Cebenoyan" ku Siyad (Komeleya Rexnegirên Sînemayê) dide dan fîlmê derhêner Konar.

Va ne hemû xelatên hatin belavkirin:

PÊŞBAZIYA NETEWEYÎ Ya FÎLMÊN METRAJDIRÊJ:

- Fîlmê Herî Serketî:

Yaramaz Çocuklar / Derhêner Ahmet Necdet Çupur

- Derhênerê/a Herî Serketî: Nisan Dag ("Bir Nefes Daha)

-Xelata Yilmaz Guney: Govenda Alî û Zîn / Derhêner Mehmet Ali Konar

- Lîstikvana Herî Serketî: Emel Goksu, Ayşe Demirel (Bi rola di "Koridor" de)

- Lîstikvanê Herî Serketî: Ozan Çelik (Bi rola di "Cemil Şov" de)

- Xelata Gel a Edeneyê: "Sen Ben Lenin" / Derhêner Tufan Taştan

- Xelata Taybet a Juriyê ya Kadir Beycioglu: "Dermansiz" / Derhêner Hakki Kurtuluş, Melik Saraçoglu

- Senaryoya Herî Serketî: Bir Nefes Daha / Nisan Dag

- Muzîka Herî Serketî: Taner Yucel ( Cemil Şov )

- Denhênerê Herî Serketî: İlker Berke ("Koridar)

- Derhênerê/a Dîmenê ya/ê Herî Serketî: O. Devrim Unal

- Xelata Vesazkirinê ya Ayhan Ergursel a Herî Serketî: Yaramaz Çocuklar (Mathilde Van De Moortel & Elif Uluengin & Nicolas Suburlati)

- Lîstikvana Duyemîn a Herî Serketî: Asli Bankoglu (Bi rola di Lacivert Gece de)

- Lîstikvanê Duyemî yê Herî Serketî: Eren Çigdem (Bi rola di Bir Nefes Daha de)

- Xelata Mansiyonê: Yaramaz Çocuklar / Derhêner Zeynep Çupur

- Xelata Lîstikvanê Ciwan ê ku Hêviyê Dide: Oktay Çubuk (Bi rola di Bir Nefes Daha de)

- Xelata Lîstikvana Hêviyê Dide ya Turkan Şoray: Hayal Koseoglu (Bi rola di Bir Nefes Daha de)

- Xelata Fîlmê Serketî ya Siyadê ya Cuneyt Cebenoyan: "Govenda Alî û Zîn" / Derhêner Mehmet Ali Konar

- Xelata Derhênerê/a Herî Serketî ya Fîlm-Yonê Nisan Dag (Bir Nefes Daha)

Derhêner Mehmet Ali Konar bi fîlmê xwe bi du fîlman ji Festîvala Edeneyê vegeriya.