Diyarname

Kovareke nû ku dê li ser fîlozofiyê weşanê bike bi navê “Philosophia” dest bi weşanê kir. Kovara ku di bin rêveberiya sosyolog û felsefezan Ali Gurdilî, edîtoriya philolog û nivîskar Raif Yaman û gerînendetiya weşanê ya Berfo Barî de dest bi weşanê kir, dê her çar mehan carekê derê.

Çîroka vê kovarê diçe heta 6 sal berê. Wê çaxê bi navê “Felsefevan” kovareke hat weşandin lê tenê sê hejmarên kovarê derketin. Paşê vê komê li ser înterhetê wekî PDF çend hejmar ev kar domand. Û niha careke din kovar dertê.

Kovar niha di bin banê Weşanxaneya Na de dertê, xwerû bi kurdî ye û li ser felsefeyê dê xebata xwe bidomîne.

Kovar niha wekî hejmara yekem a rêbendan, reşemî, adar û avrêla 2022’yan derket pêşberî xwerdevanên xwe. Ew dixwazin bi hemû zaravayên kurdî nivîs têde hebin. Edîtoriya kovarê li ser armanca kovarê wisa gotiye, “Armanca me a sereke di hinek warên felsefî da berdestiya zar û zimanê kurdî ye. Ji bo me a girîng ewê qualita guncawtîya (content) metnan û xwegihandina xwendevanên felsefeperwer be. Hêviya me heye em dê bikanibin wekî komeke xebatê karê xwe bikin û xwe bigihînin termînologiyek baş a felsefeyê. Hejmara destpêkê dê taybet be û pişt re dê hejmara pêşîn were weşandin.”

Di vê hejmarê de Ferzan Yezdanî, Mahmut Ozçelîk, Alî Gurdîlî, Raif Yaman, Emre Mûhargînî, Fêrgîn Melîk Aykoç, Umîd Demîrhan, Rêzan Erzirom, Mîr Qasimlo ked  dane vê hejmarê.

Di kovarê de du hevpeyvîn jî hatine kirine. Yek ligel Dilawer Zeraq, a din jî ligel Doç.Dr.Mehmet Nesim Doru hatiye kirin.

Ji bo têkiliyê

e mail: kovaraphilosophia@gmail.com

Navnîşan: Kemeraltı Çarşısı, Güzelyurt Mah.920/1 Sok. No:28 Piyaleoğlu Çarşısı, 35290 Konak / İzmir

nayayinlari.com