Diyarname

Di serdema pandemiyê de fûarên pirtûkan ên ku TUYAP’ê li dar dixistin hatibûn betalkirin û ev du sal bûn fûar nîn bûn. TUYAP’ê niha ji nû ve dest bi sazkirina fûaran kir, ya yekem a Çûkûrovayê dest pê kir.

Fûara Pirtûkan a Çûkûrovayê ku li Edeneyê li dar dikeve piştî du salan deriyên xwe vekirin. Fûar îsal 14’emîn car li dar dikeve. Fûara Pirtûkan a Çûkûrovayê 19’ê mehê bi merasimek dest pê kir û heta 27’ê mehê dê vekirî be.

Di merasima vekirina fûarê de Midûrê Fûarkariyê ya Edeneyê yê TUYAP’ê Îlhan Esozlu got. “Ev çardehemîn car e em fûarê pêşkêşî pirtûkhezan dikin. ji ber em ligel hem nivîskarên xwe, hem xwendekarên xwe tên ba hev em kêfxweş in.”

Di fûara îsal de nêzî 300 weşanxane û saziyên sivîl heneb Îsal  weşanxaneyên kurdan di fûarê de cih negirtine. Di fûarê de li dor 55 çalakiyên çandî wekî pane, gotûbêj dê hebin, her wiha li dor 250 çalakiyên îmzeyê dê hebin.