DiyarName.Com

41’emîn Festîvala Fîlman a Navneteweyî ya Stenbolê êvara 19’ê mehê bi merasima xelatdayînê bi dawî bû. Şeva ku li Salona

Cemil OGUZ

41’emîn Festîvala Fîlman a Navneteweyî ya Stenbolê êvara 19’ê mehê bi merasima xelatdayînê bi dawî bû. Şeva ku li Salona Konserê ya Cemal Reşit Rey li dar ket pêşkêşvaniya wê Cem Davran kir. Di şevê de di warê Pêşbaziya Neteweyî de fîlmê derhêner Maryna Er Gorbach ê bi navê “Klondike” Xelata Fîlmê Herî Serketî girt. Di beşa Pêşbaziya Navneteweyî de jî fîlmê derhêner Gaspar Noe ê bi navê “Vortex” Xelata Fîlmê Herî Serketî girt. Ji xelatên mezin Xelata Derhênerê Herî Serketî jî dan Tayfun Pîrselîmoglu ku ew bi fîlmê xwe “Kerr” di pêşbaziyê de bû.

‘KLONDIKE’ 200 HEZAR TL DÊ BIGIRE

Di Festîvala Fîlman a Stenbolê de niha fîlmekî ji bo bikeve Pêşbaziya Neteweyî divê derhêner an jî ji şirîkan yek ji Tirkiyeyê be. Fîlmê “Klondike” jî ji ber ku bi şirîkatiya TRT”ê hatibû kişandin di Pêşbaziya Neteweyî de bû. Fîlmê ‘Klondike” îsal li Berlinale û li Sundanceyê hatibû nîşandayîn, ji Sundanceyê bi Xelata Derhênera Herî Serketî vegeriyabû. Fîlmê ku li gundekî Ûkraynayê derbas dibe, çîroka malbatek ku di dema şer de beşek bûye alîgirê Rusyayê, beşek alîgirê Ûkraynayê nîşan dide. Karaktera sereke ku jin e û ducanî ye dijî şer e û naxwaze ji gundê xwe derkeve. Fîlmê ku li festîvalê di nav Pêşbaziya Neteweyî de yek ji fîlmên serketî bû, juriyê ev yek dît û bi Xelata Fîlmê Herî Serketî Laleya Zêrîn xelat kir. Fîlm, ligel peykerek bi 200 hezar TL pereyê hat xelatkirin. Derhênera fîlm Maryna Er Gorbach di peyama ku ji bo festîvalê şand de wisa got, “Ez vê xelatê diyarî dayikên ûkraynayî yên ku di şer de zarokên xwe diparêzin dikim.”

Ji xelatên mezin Xelata Derhêrhêrê/a Herî Serketî dan derhêner Tayfun Pîrselîmoglu. Xelata Lîstikvanê Herî Serketî jî dan du kesan, Ahmet Rifat Şungar û Bariş Gonenen ku di fîlmê “Çilingir Sofrasi” de lîstibûn. Lîstikvan Bariş Gonenen ku hat xelat girt wisa got, “Ez vê xelatê diyarî wan kesên dikim ên ku di vê serdema nefretê xwe tenê hîs dikin. Bila bizanibin, ew ne bi tenê ne.”

"BILA HÊ ZÊDETIR KARAKTERÊN XWEŞIK ÊN JINAN BÊN NIVÎSÎN"

Lîstikvan Ece Yuksel ku bi rola di fîlmê “Ela ile Hilmi ve Ali” de Xelata Lîstikvana Herî Serketî girt jî wisa got, “Ji bo ev karaktera xweşik a jinan nivîsandiye ez sipas dikim. Bila hê zêdetir karakterên xweşik ên jinan bên nivîsandin, em jî wan bilîzin.”

Derhêner Gaspar Noe bi fîlmê xwe "Votex" li festîvalê bû. Fîlm çîroka du extiyarên nexweş ku yek nivîskarê sînemayê, ya din doktor e dikir. Çîroka extiyarên di asta êdî dikevin li ber destan baş anîbû ziman. Ji aliyê teknîka sînemayê ve jî ji serî heta dawî ekran kiribû du parçe û li her du parçeyan carinan heman dîmen, carinan du dîmenên cuda, wekî du fîlm bêne nîşandayîn bikar anî bû. Ev aliyên fîlm balkêş bûn û juriyê jî ev balkêşî bi Xelata Fîlmê Herî Serketî ew rûmetdar kir.

HEMÛ XELATÊN HATIN BELAVKIRIN

Ji bilî van di beşên kurtefîlm, belgefîlm, muzîk, vesazkirin û hwd, dor 20 waran de xelat hatin belavkirin.

Va ne hemû xelatên ku hatin belavkirin:

PÊŞBAZIYA NETEWEYÎ:

- Fîlmê Herî Serketî Laleya Zêrîn: Klondike (Derhêner Maryna Er Gorbach)

- Xelata Taybet a Juriyê ya Onat Kutlar: Çilingir Sofrası (Derhêner Ali Kemal Guven)

- Mansiyon: Denizhan Akbaba (Ela ile Hilmi ve Ali)

- Derhênerê Herî Serketî: Tayfun Pirselimoglu (Kerr)

- Senaryoya Herî Serketî: Nazlı Elif Durlu, Ziya Demirel (Zuhal & Ela ile Hilmi ve Ali)

- Lîstikvana Herî Serketî: Ece Yuksel (Bi rola di “Ela ile Hilmi ve Ali”)

- Lîstikvanê Herî Serketî: Ahmet Rıfat Şungar, Bariş Gonenen (Bi rola di “Çilingir Sofrasi”)

- Derhênerê/a Dîmenê ya/ê Herî Serketî: Sviatoslav Bulakovskyi (Klondike)