Diyarname

Îro Amed Spor bi ser ket lê her tişt bi dawî nebû û niha dem dema hesabê ye ji bo Amed Sporê.

Amed Spor di Koma Spî ya Lîga 2’yemîn a TFF’ê (Federasyona Fûtbolê ya Tirkiyeyê) de dilîze. Rewş ev e:

ŞAMPIYON PENDÎK SPOR

Îro maçên hefteya 36’yemîn hatin lîstin. Ji bo bidawîbûna lîgê du hefte mane. Di dawiya hefteya 36’an de Pendik Spor bi 73 pûanan yekemîn e û jixwe ji zû de ye şampiyoniya xwe ragihandiye. Pendîk Spor sala bê dê di Lîga 1’emîn  de bilîze. Li gor statuyê yekemînên Koma Spî û Koma Sor ên Lîga 2’yemîn raste rast diçin Lîga Duyemîn. Di koman de yên duyemîn, sêyemîn, çaremîn û pêncemîn jî play-offê dilîzin. Di encama maçên play-offê de ji Koma Spî yek, ji Koma Sor jî tîmek din dê derkeve Lîga 1’emîn. Û Amed Spor. Tîm bi 53 pûanan di rêza duyemîn de ye. Dûre Tarsus Îdman Yurdu di rêza sêyemîn, Isparta 32 Spor di rêza 4’emîn de ye ku pûanên herduyan jî 52. Û tîma Karacabey Belediye Spor bi 50 pûanan di rêza 5’emîn de ye.

3 PÛANÊN DIN LAZIM IN
Amed Spor hefteya pêşiya me (1’ê Gulanê) Akhîsar Sporê û hefteya dawî jî li mala xwe dê Pendîk Sporê bike mêvan. Amed Spor ji bo play-offê bilîze divê di dawiya lîgê de herî hindik di rêza 5’an de be. Yanê jêre herî hindik 3 pûanên din lazim in.

MAÇA ÎRO

Maça îro ku li Amedê hat lîstin bû wekî şahiyek lê tu tiştek hê xilas nebûye. Îro 40 hezar temaşevanên Amed Sporê li stadê bûn û piştgirî dan tîma xwe. Amed Sporê bi gola Muhlîs Îstemî ku di deqîqeya 68’an de avêt û maç bi 1-0’ê bi dawî bû. Amed Sporê penaltiyek jî nekarî veguherîne golê.

KOMA SOR

Di Koma Sor de jî maçên hefteya 36’an hatin lîstin. Di vê hefteyê de Sakaryayê Serîk Belediye di deplasmanê de bi 2-1 têk bir û pûanên xwe derxistin 81’ê. Bi vê yekê di vê komê de Sakarya bû şampiyon. Sakarya jî sala pêşiya me dê Lîga 1’emîn de bilîze. 

 
Foto: Bilal Guldem