Diyarname
Televîzyona Rossiya ya rus li malpera xwe anketeke "Mezinê rusan kî ye" da dest pê kirin. Çar li pêş e, Stalîn li dû ye.

Di malperê de 50 navên nav ên rus hatine bi cih kirin û heta niha 2.4 mîlyon kesî dengên xwe bikar anîne. Hûnê bibêjin kî li pêş e? Çarê Duyemîn Nicolas û Stalîn bi hev re derketine pêş. Nicolas heta niha 267 hezar deng girtiye û bûye yekemîn, li dû jî Stalîn bi 263 hezar dengî di rêza duyem de ye. Di rêza sêyem de jî Lenin bi 187 hezar dengî tê.

Tê gotin ku li welat di navbera komunîst û monarşîstan de qayişkêşaneke heye. Partiya Komunîst bang li gel kiriye ku dengên xwe bide Stalîn. Malpera Odnoklassniki.ru ku wekî Facebooka rusan e, ew jî dixwaze Çar yekemîn derê û ji bo vê yekê ketiye nava hewldanan.

Çarê Duyem Nicolas di sala 1917'an de ji aliyê Bolşevîkan ve bi gulebarînê hat kuştin.
Stalîn jî piştî ku Lenin mir hat ser kar (1924) û dema wî hê jî tê nîqaşkirin. Yên ku ji ber polîtîkaya wî ya dijwar heq didinê jî hene, yên ku rexne dikin jî. Stalîn di 5'ê adara 1953'yan de mir. Bi mirina Stalîn re Kruşçev ket cihê wî.