STENBOL
Serokê Herêma Federal a Kurdistanê Mesud Barzanî piştî hevdîtina bi Serokwezîr Erdogan re daxuyanî da çapemeniye, diyar kir ku ziyareta wî ya Tirkiye ji bo peyamek bide neteweyên kurd û tirkan û wiha axivî: "Divê rijandina xwîne berdewam neke. Em dixwazin ev pirsgirêka heyî li parlemenê bê çareserkirin. Bila edî xwîna ciwanên kurd û tirkan neyê rijandin."

Hevdîtina Serokê Herêma Federal a Kurdistanê Mesud Barzanî ku ev 3 roj in li Tirkiyeyê bi Serokwezîrê Tirkiyeyê Recep Tayyîp Erdogan re li Ofîsa Serokwezîrtiyê ya Dolmabaçeya Stenbolê li dar ket. Piştî hevdîtina 2 saetan Barzanî daxuyanî da çapemeniyê.
Barzanî axaftina xwe ya ku kurdî kir, diyar kir ku serdana wî ya Tirkiyeyê ji bo peyamek bide neteweyên kurd û tirkan û got hevdîtinên bi Serkowezîr Erdogan, duh Serokomar Abdullah Gul û yên din bi qîmet û dostane ne. Barzanî got ku di hevdîtina bi Erdogan re kirî hevdîtinek baş û serkeft bû. Barzanî, destnîşan kir ku di hevdîtinê de bi giştî geşedanên herêmê nirxandine û wiha berdewam kir: "Di hevdîtinê de fikrên me gelek nêzîkê hev bûn. Me bi hev re fikrên parve kirin. Me di warê aborî de heman fikir parve kir. Em piştgirî didin polîtîkaya Birêz Serokwezîr a pêşîlêvekirinê. Ev polîtîka dê alîkarî bide herêmê û Tirkiyeyê."

'Em dixwazin pirsgirêk li parlamenê bê çareserkirin'

Serokê Herêma Federal a Kurdistanê Barzanî di berdewamiya axaftina xwxe de wisa got: "Di meha adarê de Serokwezîr Erdogan li Hewlêrê dema hatibû serdana me  gotibû 'dema înkarkirina gelê kurd li paş maye'. Ev yek gaveke wêrek û nêzîkatiyeke dîrokî bû. Piştî vê daxuyaniyê em jî li dijî hemû çalakiyên leşkerî derketin. Divê xwîn neyê rijandin. Em dixwazin ev pirsgirêk li parlamenê bêne çareserkirin. Êdî xwîna ciwanên kurd û tirkan divê neyê rijandin. Ji bo me polîtîkaya ku serokwezîr dişopîne ji bo herêmê girîng e. Ji ber vê yekê jî hevdîtina ku me pêk anî êrênî bû. Ez bawerim dê encamên baş derxe holê."
Barzanî destnîşan kir ku qedera kurd û tirkan yek e, bi hevre ye.

Barzanî diyar kir ku ji ber vê yekê jî baweriya wan ew e ku divê bi hev re bijîn. Di dawiya axaftina xwe de Barzanî, Cejna Qurbanê li hemû gelan pîroz kir.

Hevdîtinên sê rojên li Tirkiyeyê

Mesud Barzanî di vê gera xwe de sê rojan li Tirkiyeyê me û bi Hevserokên BDP'ê Selahattin Demirtaş û Gulten Kişanak, Hevserokên KCD'ê Ahmet Turk û Aysel Tugluk, Wezîrê Karên Derve yê Tirkiyeyê Ahmet Davutoglu, Serokomarê yê Tirkiyeyê Recep Tayyip Erdogan û Serokomarê yê Tirkiyeyê Abdullah Gul re hevdîtin pêk anî.
Her wiha ji çapameniyê bi Mehmet Ali Birand (ji 32. Gunê), Cengiz Çandar (nivîskarê Radikalê), Ferhat Boratav (ji CNN Turkê) û Cansu Çamlibel (ji Hurriyetê) re hevdîtin pêk anî.