STENBOL
23'yemîn Festîvala Kurtefîlman a Stenbolê bi merasimekê dest pê kir. Di festîvalê de 156 fîlm hene.

Ji welatên wekî Tirkiye, Belçika, Fransa, Yewnanistan, Îngilistan, Brezîlya, Macaristan, Îran, Bulgaristan, Polonya, Avustralya, Tayland, DYA. Spanya, Îtalya, Hindistan, Kanada, Almanya, Ermenistan, Avusturya, Lubnan, Moldova, Kore, Kirgisiztan, Kosova, Hollanda, Romanya, Swîsre, Afganistan, Makedonya, Singapur, Bangladeş, Arjantîn, Îsraîl Cezayîr, Fas, Bosna Hersek, Swêdê bi giştî 870 fîlmî serî li festîvalê da û ji nav van 156 fîlm hatin hilbijartin ku di çarçoveya festîvalê de dê bêne nîşandayîn.
Di festîvalê de digel fîlman, hin belgefîlm jî hene.

Her wiha di çarçoveya festîvalê de gotûbêjeke jî bi beşdariya Natali Yeres li dar dikeve. Yeres ku di gelek fîlmên navdar de derhêneriya hunerê kiriye di vê gotûbêjê de dê li ser "Di sînemayê de waet û girîngiya derhêneriya hunerê" biaxive. Gotûbêja roja 28'ê mehê, saet 17.00'an de li Navenda Çanda Fransiz li dar dikeve. 

Di festîvala ku heta 30'yê mehê li dar e de, fîlm li salonên Navenda Çanda Fransiz, Navenda Çanda Alman û Holanda Dutch Chapel bê pere têne nîşandayîn.

Ji bo kesên eleqedar:

www.istanbulfilmfestival.com