Navenda Nûçeyan

Encumena Bilind a Dadwerî ya Iraqê ji ber kuştina Qasim Silêmanî û Mehdî El-Muhendis ên li Balafirgeha Navdewletî ya Bexdayê hatin kuştin, biryara girtina Serokê berê yê Amerîkayê Donald Trump da.

Serokê Encumena Bilind a Dadwerî ya Iraqê Fayîq Zeydan di merasîmekê de regihand ku  ji ber kuştina Fermandarê Supay Qudsê yê Îranê Qasim Silêmanî û Cîgirê Serokê Hêzên Heşdî Şebî Mehdî Muhendis ên ji aliyê Emerîka ve hatine kuştin, Encumena Bilind a Dadwerî ya Iraqê biryara girtinê ji bo Serokê berê yê Amerîkayê Donald Trump derxist.

Fayîq Zeydan destnîşan kir ku desthilata Dadwerî ya Iraqê dê dudil nebe ji bo pêkanîna tedbîrên yasayî li dijî her kesê ku di kuştina wan her du kesan de heye.

Di destpêka sala 2020’an de Emerîka bi riya balafirên bêmirov li nêzî Balafirgeha Navneteweyî ya Bexdayê Qasim Silêmanî û Mehdî Muhendis kuştin. Piştre Donald Trump di civîna çapemeniyê de diyar kir ku hêzên wan her du fermandarên leşkerî li Bexdayê bi serkeftî kuştin.
Rojnews