Diyarname
Nivîskar Fawaz Husên ku bi "Amîdabad" û "Parîsabad"ê hatibû vê carê bi "Barê Şevê" derket pêşberî xwendevanan.

Weşanên Avestayê weşandina pirtûkên Fawaz Husên didomîne. Avestayê berê “Amîdabad” (2001) û “Parîsabad”ê (2010) ên Husên weşandibû û bi van Husên ciheke girîng di nav pirtûkxaneyên kurdan de girtibû vê carê "Barê Şevê" gihand ber destê xwendevanan.

Di romana xwe ya nû Barê Şevê de Fawaz Husên dide dû çar kurdên ku welatê xwe bi paş xwe ve dihêlin û ji bo xewnekê tên li deriyên Ewropayê didin. Di spêda rojeke payîzî de, her çar leheng bi hev re digihîjin Parîsê lê wekî ku peyveke rîhspiyan dibêje, hesabê bazarê û yê malê tu carî wek hev dernakevin.

Fawaz Husên kî ye?

Fawaz Husên di sala 1958'an de li gundê Kurdoyê, ji derdora Amûdê, tê dinê û li Amûdê mezin dibe. Husên beşa edebiyata fransî li Zanîngeha Helebê dixwîne. Di sala 1978'an de digihîje Parîsê û xwendina xwe ya bilind li Sorbonnê di sala 1988'an de temam dike.
Fawaz Husên aniha li wezareta perwerdekirinê, li Şaredariya Parîsê kar dike û li Zanîngeha Sorbonnê Mamosteyê Zimanê fransî ye.
Ew endamê rêxistina nivîskarên Fransayê ye û hem bi fransî, hem bi kurdî dinivîse. Nivîskar ku di navbera salên 1993-2000'î de li Swêdê jiyaye, ji wê rojê ve heta niha li Parîsê dijî.

Berhemên wî

- Siwarên Êşê. Kurteçîrok. Stockholm, weşanxaneya Welat, 1994
- Le Fleuve, Parîs, weşanên Méréal, 1997, çapa duyem, weşanên Le Rocher/Le Serpent à Plumes/Motifs, 2006
- Dîroka edebiyata fransî, sedsala hivdehan û hijdehan. Antolojî. Stockholm, APECê, 1998
- Chroniques boréales, Parîs, L’Harmattan, 2000
- Amîdabad. Kurteçîrok. Stenbol, Avesta, 2001
- Prof dans une ZEP ordinaire, Parîs, Le Rocher /Le Serpent à Plumes, 2006
- Les Sables de Mésopotamie, Parîs, Le Rocher, 2007
- En direction du vent, Parîs, Non Lieu, 2010
- Parîsabad, Roman. Stenbol, Avesta, 2010
- Bavê Şevê, Roman, Stenbol, Avesta, 2012

Barê Şevê / Fawaz Husên / Roman / 136 rûpel