Diyarname

Kurtedemek berê pirtûka Mizgîn Xan a bi navê "Periya Xwezayî" ji Weşanên Bêjingê derketibû. Ji bo vê yekê çalakiyeke ligel zarokan hat sazkirin.

Çalakiya ku Bêjingê organîze kir li "Şahmaran Konagi" ya li Mêrdînê roja 21'ê mehê di navbera saet 14.00-16.00'an de li dar ket. Di çalakiyê de gelek zarok ligel malbatên xwe amade bûn. Nivîskar Mizgîn Xan çîrokek ji bo zarokan xwend û li ser pirtûka xwe axivî. Wê, paşê ji bo zarokan pirtûka xwe îmze kir.

Helbestvan Kamuran Demir ê xwediyê weşanxaneya Bêjingê jî ji Batmanê hat beşdarî bernameyê bû û li ser xebatên wan ên ji bo zarokan got: "Wê pirtûkên me yên ji bo zarokan bi awayê navê beşa Bêjingok hê jî derkevin."