Diyarname

Ji duh êvarê de dinya li ser şerê di navbera Îran û Îsraîlê de diaxive. Rojeva dinyayê bi her awayî bûye ev mesele.

Îsraîlê êrîşê avahiya konsolosxaneya Îranê ya li Sûriyeyê kiribû çendek berê. Li ser vê yekê Îranê duh êvarê bi fuze û Balafirên Bêmirov (BM) êrîşê Îsraîlê kir.

Li ser vê yekê ji welatan daxuyaniyên cur bi cur hatin. Nûnerê Polîtîkaya Ewlehî û Têkiliyên Derve ya Yekîtiya Ewropayê (YE) Josep Borrell got ku YE bi tundî êrîşa Îranê ya li hemberî Îsraîlê şermezar dike.

Serokwezîrê Îngilistanê Rishi Sunak bi ser hesabê xwe yê X'ê re got ku ew bi vegotina herî xurt êrîşa Îranê şermezar dike, Îranê nîşan daye ku tovê kaosê biçine.

Wezîrê Karên Derve yê Fransayê Stephane Sejourne jî bi heman gotinan êrîşa Îranê şermezar kir. Serokê Hikumeta Demkî yê Hollandayê Mark Rutte, Wezîrê Karên Derve û Cîgirê Serokwezîrê Îtalyayê Antonio Tajani, Serokwezîra Estonyayê Kaja Kallas jî bi gotinên nezî hev êrîşa Îranê şermezar kirin.

Wezareta Karên Derve ya Çînê daxuyaniyeke cuda da û got, "Piştî êrîşa Îranê tirsa me ew e mesele girantir bibe; em banga aramiyê dikin."x