Diyarname
43’yemîn Festîvala Fîlman a Navneteweyî ya Stenbolê bi merasimek dest pê kir. Di 12 rojan de 144 fîlmên metrajdirêj, kurtefîlm û belgefîlm wê derkevin pêşberî sînemahezên Stenbolê.
Merasima destpêkirina festîvala ku ji aliyê ÎKSV’ê ve tê organîzekirin êvara 16’ê mehê li CRR’ê li dar ket û bi awayekî fermî festîvalê dest pê kir. Wekî fîlmê destpêkê yê festîvalê fîlmê derhêner Richard Linklater “Hit Man” hat nîşandayîn.
Pêşkêşvaniya merasime Tugrul Tulek kir. Midûrê Giştî yê ÎKSV’ê Gorgun Taner plaket da sporsorên festîalê. Paşê dîrektorê festîvalê Kerem Ayan derket ser dikê û sipasiya saziyên piştgir kir. Ayan qala sînemayên li Beyogluyê, Şîşliyê, sînemayên kevn ên wekî Sînemaya Ruya, Sînemaya Emekê kir û got, “Gelek sînemayan heta niha mazûvaniya me kir. Em wan bibîr tînin, her ku diçe hejmara van sînemayan kêm dibe. Niha bi sînemayê heyî em rêya xwe didomînin. Em li Beyogluyê ne. Gelekên ku dest ji Beyoglu berdan jî, me dest ji vir ber neda. Niha Şaredarê Beyoglu Înan Guney, Şaredarê Şîşlî, Resul Emrah Şahan jî li nav me ne, em xêrhatinê li wan jî dikin.”
XELATÊN RÛMETÊ HATIN DAYÎN
Festîvalê Xelata Rûmetê ya Sînemayê da lîstikvan Meral Orhonsay û derhêner Engin Ayça. Orhonsoy fîlmên wekî “Yol” û “Maden” jî têde dor 60 fîlmî de rol girtibû ser milên xwe. Ayça jî fîlMê wekî “Bez Bebek”, “Soguktu ve Yagmur Çiseliyordu” jî têde gelek fîlm û belgefîlm kişandine. Kameraman Çetin Tunca xelata Ayça pêşkêşî wî kir. Derhêner Wim Wenders û lîstikvan Koji Yakusho jî paşê dê xelatên xwe yên rûmetê bigirin.
Festîvala ku 17’ê mehê bi awayekî fermî deriyên xwe vekirin, heta 28’ê mehê dê 144 fîlm, belgefîlm û kurtefîlman nişan bide. Di vê navberê de “Koprude Buluşmalar”, gotûbêj û çalakiyên din jî dê li dar bikevin.
51 FÎLM DI PÊŞBAZIYÊ DE NE
Di festîvalê de pêşbaziyên wekî Pêşbaziya Navneteweyî, Pêşbaziya Neteweyî, Pêşbaziya Belgefîlman, Kurtefîlman hene. Di van pêşbaziyan de 51 fîlm di qayişkêşanê de ne. Di festîvalê de çend fîlm û belgefîlmên bi kurdî jî hene. "Aşît", "Dargeçit", "Anîta" hin ji wan in.
Fîlmên festîval li Beyogluyê li sînemaya Atlas 1948 û Sînemaya Beyoulu, li Şîşliyê li CineWAM Premium+ City's Nişantaşı (Salon 3 û Salon 7) û li Kadikoyê li Sînemaya Kadikoy û Sinematek/Sinema Evi tene nîşandayîn.
***
Nûçeyên Eleqedar:
- 'Aşît', 'Anîta' û belgefîlmên din
- Festîval dîsa hat: Fîlmên festîvalê hatin eşkere kirin
- Berlînale ra fîlmê xelatî girotê yenê Stenbol
- Jurî Pêşbazî ay Neteweyî eşkera bî
- Juriya Xelata Seyfî Teoman diyar bû
- Jurî Pêşbazî Belgefîlman hamî eşkerakerdin
.jpg)
.jpg)
.jpg)
