Qamişlo
Li Bakur û Rojhilatê Sûriyeyê roja 11'ê pûşperê wê hilbijartina şaredariyan li dar bikeve. Li gor vê niha avakirina lijneyên hilbijartinan li bajar û bajarokên 7 kantonên Bakur û Rojhilatê Sûriyeyê bi dawî bûn. Di wan xebatan de 125 lijne hatin avakirin. 
Piştî wê xebatên belavkirina kartên hilbijartinan li şêniyan bi rêya komînan dest pê kir. Di radestkirina kartan de, navên şêniyan li gorî qanûna hilbijartinan tên tomarkirin.
KÎ DIKARE DENG BIDE?
Li gorî qanûna hilbijartinan, kesên 18 salî temam kiriye û ji şêniyên herêmê ye û ev 5 sal e lê dimîne, dikare kartê wergire û tev li hilbijartinan bibe.
Hemwextî belavkirina kartan, partî û blokên siyasî, civakî û kesayetên serbixwe, daxwaznameyên tevlêbûna hilbijartinan ji lijneyên hilbijartinan re pêşkêş dikin.
HEJMARA HILBIJÊRAN
Hevserokê Komîseriya Bilind a Hilbijartinan Hisên El Şêx ji bo ANHA'yê gotiye ku ew li bendê ne 3 mîlyon şênî li herêmê dengên xwe di hilbijartinên şaredariyan de bidin.

***

Nûçeyên Eleqedar:

- Em ji rêveberiya Rojava dipirsin çima di vê de kurdî tune ye?

- Dema serîlêdana berendamtiyê

- Li Rojava ji bo hilbijartinê hejmara hilbijêran tê zelalkirin

- Li Rojava hilbijartin li dar dikeve