Almanan skoçî efû nekirin

Diyarname
Tûrnûvaya Fûtbolê ya Ewropayê Euro 2024 bi maça mazûvan Almanya û Skoçyayê dest pê kir. Almanyayê bi 5-1 reqîbê xwe têk bir.
Êvara 14'ê mehê li Allianz Arenayê berî maçê seremoniyeke mezin dest pê kir û dûre maça Almanyayê û Skoçyayê dest pê kir.
Bi firfiroka hakem Steve Clarke Euro 2024 dest pê tir. Di maça ku Skoçya qet tune bû de Almanan 6 gol avêtin ku gola Skoçyayê ji serê lîstikvanê alman Rudiger çêbû.
Golên Almanyayê Florian Wirtz di deqîqeya 10'an de, Jamal Musiala deqîqeya 19'an, Kai Havertz deqîqeya 45+1 de avêt. Di nîveka duyemîn deqîqeya 68'an de Fulkrug û deqe 90+3 de Emre Can encam temam kir.
Bi vê yekê Almanyayê bi 3 pûanan di Koma A de dest bi maçan kir.
REROKA MAÇÊN DESTPÊKÊ
Ev encam di heman demê de di dîroka Euroyan de maça destpêkê ya herî bi gol bû û bi vî awayî ket nava dîrokê. Heta niha di hemû maçên pêşî yên Euroyan de gol hatine avêtin, tenê di destpêka maçên 1968'an de, di maça Îtalya û Yekîtiya Sovyetê de kesî nekariye golê biavêje.
MAÇÊN ÎRO:
Îro 3 maç hene. Di Koma A de Macaristan û Swîsre, di Koma Be de Spanya-Hirvatistan, Îtalya û Albenia tên hemberî hev.