Diyarname

Komîteya Rêvebir ya HRRK-Şaxa Amedê piştî konferansê xwe komîsyoneke amade kiribû. Niha komîsyon ji bo rêveberî  hat ba hev û ji nav xwe serokek û cîgir hilbijartin.

Komîteya Rêvebir ya HRRK-Şaxa Amedê bi hemû endamên xwe li bajarê Amedê civiya,

piştî  giftûgoyên berfireh li ser konferansê û pêdivî  bi hin xalên pêwîstKomîteyê ev biryar dan:

-Sipasiya komîta amadekar ya ku roleke mezin di lidarketin û serkeftina konferansê de lîst.

- Ev kes ji bo komîteyê hatin hilbijartin: Munîr Şêxê, Şepal Hêvo, Rizoyê Xerzî,

Ehmedê Xursî, Mizgîn Tahir, Teymûr Evdikî, Hozan Emînû Cemîl Murad.

- Sipasî û rêzgirtin ji şaredariya bajarê Amedê re  ya ku çavdêriya  konferansê bi hemî pêdiviyên wê  kir.

-Komîta rêvebir erkên xwe diyar kirin. Di encamê de karbeşiyeke wisa di nava komîteyê de çêbû:

- Hunermend Mizgîn Tahir Seroka hevgirtinê û endama komîta endamtiyê.

- Helbestvan û rojnamevan Rizoyê Xerzî Cîgirê Serok û endamê Komîta Diravî.

-Şêwekar Ednan Çeto endamê komîta diravî .

- Şêwekar Munîr Şêxê endamê komîta çalakiyan.

- Helbestvan Şepal Hêvo endamê komîta çalakiyan.

-  Helbestvan Axîna Welat endama komîta çalakiyan.

- Şêwekar Hesen Berzencî  endamê komîta çalakiyan.

-  Rojnameger Eco Emîn endamê komîta Ragihandinê.

- Rojnameger Cemîl Murad endamê komîta Ragihandinê.

- Nivîskar Şêx Birimca endamê komîta endametiyê.

-Komîtê teqez kir ku ev hevgirtin serbixwe ye û bang li rewşenbîrên kurd bi hemî reng û baweriyên wan  kir qena têkiliyê bi komîta rêvebir re bikin, ji bo rola hevgirtinê di berfirehkirin û pêşxistina qada rewşenbîrî  de gurtir bibe, û nexasim di vê qunaxa hestyar de.

-Komîteyê biryar da ku jimareke bankê bi taybet ji bo hevgirtinê pêk bîne her wisa tembîniyên konferansa Amedê çareser bike û têkiliyê bi hemî rewşenbîrên Rojava, yên ku li Tirkiyeyê û bakurê Kurdistanê dimînin bike .

-Bang li hemî rewşenbîrên rojava yên ku li başûrê Kurdistanê bi cî bûne qena sûdeyê ji konferansa Amedê bikin û kar ji bo konferansa wan ya ku wê lidarkeve bikin, her wisa têkiliyê bi awayekî zelal bi hemî rewşenbîran re dûrî nakokî û astengiyên siyasî  û bi taybetî di vê qunaxa dîrokî  di jiyana gelê me de.

-Komîteyê briyar da ku bi berpirsyarî  bi komîta rêvebir  ya Ewropayê re ji bo amadekirina kongireya pêncemîn li rojavayê Kurdistanê xebatê bikin.

-Komîteya birêveber sipasiya hemî beşdarên konferansa Amedê dike, yên ku bi keda wan ev konferans bi serket. Her wisa komîteyê soz da ku ji dil, dûrî ezeziyê û bi mebesta Ku berjewendiyên hevgirtinê di ser yên her kesî re bigrin, xebatên xwe bimeşînin.

- Komîta ragihandinê Ya HRRK-Şaxê Amedê

**

Nûçeyên eleqedar:

- HRRK'ê li Amedê konferansa xwe li dar xist û hin biryar girtin 

- Rewşenbîrên Rojava li Amedê tên ba hev

 - Ji bo zarokên Rojava 10 Euro divên