Diyarname

Hevgirtina Rewşenbîrên Rojavayê Kurdistanê piştî kongreya xwe ya li Ewropayê vê carê li Amedê konferansek li dar dixin. Di konferansa ku 1'ê pûşperê wê li dar bikeve de dê rewşenbîrên Rojava yên ku li Bakur û Tirkiyeyê dijîn bên ba hev.

Di kongreya HRRK ya berî demekê çêbû de, biryar hatibû girtin ku kongreyek li Amedê û yek jî li Başûr, li Hewlêr yan li Silêmaniyê li dar bixe. Ev konferansa ku wê li Amedê li dar bikeve jî encama vê biryarê ye. Ji bo konferansê komîteyeke amadekar hatibû çêkirin û di dawiyê de biryar dan ku 1'ê mehê li Amedê bicivin. Roja 1'ê pûşperê di heman demê de roja kuştina Şêx Meşûqê Xeznewî ye, ji bo bîrarîna wî jî ev roj hatiye diyarkirin. Ligel rewşenbîrên Rojava yên li Bakur û Tirkiyeyê, ji komîteya rêveber a HRRK'ê dê 5 rêveber di konferansê de amade bin. Serokê HRRK'ê Hesen Ebdullah, ji rêveberan Helîm Yûsiv, Ehmed Huseynî, Reşîd Hisso û Yûsif Xalidî dê beşdarî konferansê bibin.

Li bendê ne ku beşek mezin ji helbestvan, nivîskar, şêwekar, rojnameger û sînemager ên ji Rojava yên ku li bajarên Bakur, an jî li bajarên Tirkiyeyê dijîn beşdarî konferansê bibin.

Kesên bixwazin bi amadekarên konferansê re bikevin têkiliyê dikarin bi ser e-maila "konfiransaamede@rojava.net" xwe bigihînin wan

Wekî notek: HRRK'ê kurtedemek berê ji bo zarokên Rojava kampanyaya pereyan li Ewropayê dabû dest pê kirin. Ji bo alîkarî û agahiyên vê kampanyayê:

- Ji bo zarokên Rojava 10 Euro divên