Diyarname
Saziyên sivîl û endamên partiyên siyasî yên Amedê serdegirtina MED-DER û Payîz Pirtûkê û binçavkirina mamosteyên kurdî protesto dikin. 
Îro serê sibê polîsan bi ser Komeleya Lêkolînkirina Ziman û Çandê ya Mezopotamyayê (MED-DER) de girtibû û gelek kes girtibûn bin çavan.
Vê nîvro saziyan ev binçavkirin bi daxuyaniya çapemeniyê şermezar dikr. Di daxuyaniya ku mebûsên EM Partî jî beşdar bûn de pankarta "Her dem kurdî her der kurdî" vekirin û diruşma “Zimanê me rûmeta me ye” hate bilind kirin.
Pêşî Hevseroka DBP'ya Amedê Sultan Yaray axivî û binçavkirin şermezar kir. Yaray got, "Tiştek nema bi ser gelê kurd de hat lê dîsa jî kurdan dest ji hebûna xwe berneda."
Xebatkarê Med-Derê Mehmet Asena jî diyar kir ku ev êrîş li hemberî gelê kurd, çanda kurdî û nasnameya kurdî ye. Asena banga berdana binçavkiriyan da.
Mebûsê DEM Partî parêzer Serhat Eren jî got ku emê xwedî li zimanê xwe derên.

***
Nûçeyên Eleqedar:

- Li Payîz Pirtûkê dest danîn ser 409 pirtûk û 144 kovaran
- Polîsan bi ser Med-Der û Payîz Pirtûkê de girt (Hat nûkirin)