Diyarname
Siyasetmedar û şaredaro verîn ê Çewligî Feyzullah Karaaslan şanê 11'ê aşme de merd. Eno demêke bî Karaaslan bi nêweşî qansêrê kewt bî û çende rocî bî zî nêweşxane de hetê nêweşanê giranan de bî.
Feyzullah Karaaslan seranê dergan miyanê partiyanê legal ê kurdan de kar kerd. Ew weçînayişê serey 1999'inan di serê namey HADEP'î de, Çewlig de bî verendam û bi ser kewt. Karaaslan heta serey 2004'inan ewca şaredar bî. HADEP rey yewîne Çewlig de bi ser kewt û a çaxî ra nat heta enka nêşkow bi ser biko.
Mebûsê DEM Partî ê Çewligî Omer Faruk Hulaku peyamê serweşî serê hesabê xwu ra kerd vila.
Biray Karaaslanî Ahmet Karaaslan zî xebere kerd vila û got, "Serdemê de zehmet ra derbas bî, zehf xwu ver da, la şande ma ew kerd vinî. Wa cay cê cinet bo."
Cenazey ê eyro go bêro definkerdişî û şîn Yeni Mallahe Cami de nanê ro.