Diyarname
Kovara Nûbiharê ku ev 20 sal in weşana xwe dike êvara 9'ê gelawêjê xwarineke firatê da dost û hevalên xwe.

Xwarina fitarê ya Nûbiharê li Restoranta Dilruba ya li Uskudara Stenbolê li dar ket. Di xwarinê de digel Mebûsê BDP'ê yê Amedê Altan Tan li dor 200 kesî amade bû.

Berî firatê axaftin hatin kirin. Edîtorê Kovara Nûbiharê Suluymena Çevîk jî axivî, qala weşana wan a 20 salan kir û xêrhatin li mêvanan kir.

Piştî xwarina fitarê Mebûsê BDP'ê Tan bi komek kesên li dor civayan re sohbet kir. Tan li ser rojeva dawî, hilbijartina herêmî ya ku dê di sala 2014'an de pêk bê jî axivî. Tan di wê baweriyê de bû ku ji çek wêdetir divê gel bala xwe bidin ser siyasetê û wisa got: "Kurdan di sala 1999'an de 34 şaredarî bi dest xistin. Di sala 2004'an de ev derket 54'an û di sala 2009'an de jî 99'a şaredarî bi dest xistin. Ger di sala 2014'an de em vê hejmarê bikaribin derxin bi ser 150'î re wê çaxê mesele dê here nav Neteweyên Yekbûyî."

Her wiha Tan got ku divê oldar êdî hêviya xwe ji AKP'ê bibîrin.

Nûbihar, ev çend salên dawî ye ku her sal di meha Remezanê de carekê xwarina fitarê dide nas û dostên xwe.