Diyarname

Serokdewletê DYA'yê yê hatiye hilbijartin Donald Trump hat merasima sondxwarinê û sond xwend. Piştî sondxwarinê axivî.
Va ne ji gotinên wî hin not:.

- Ji bo xurtbûna DYA'yê ezê bixebitim.

- DYA ji her demê zêdetir wê xurt be.

- Em hatine astekî em nikarin xwe biparêzin. Eyaleta Karolîna bi vî awayî, me Los Angelesê de şewat dît. Mal, tax şewitîn. Dewlemendên DYA'yê malên wan şewitî, hinek ji wan li vir in. Em vê qebûl nakin. Emê vê biguherînin.

- Ji bo tenduristiyê me gelek pere xerc kirin, lê nebûye. Perwerdehî wisa. Ev dê biguhere. Gavek zûtir biguhere.

- Emê bawerî, azadiya gelekê Amerîkayê dîsa bidin wan.

'XWEDÊ EZ PARASTIM'

- Emê dîsa hêza rêveberiya Amerîkayê bi paş ve bînin. Bi paş ve anîna Komara me ne zehmet e. Hinan kir ku azadiya me jî, azadiya min jî ji me bigirin. Ji bo ez Amerîkayê ji nû ve bikim welatek mezin Xwedê canê min ji wê sûîkastê parast.

- Ev hilbijartin dê ji bo Amerîkayê bibe roja azadiyê. Ev hilbijartina wekî hilbijartina herî girîng bikeve nava dîroka Amerîkayê.

- Ji bo xeyala Martin Luther Kingî bê cih emê bixebitin. Emê xelata wî bînin cih.

- Ezê li ser sînorê başûrê welatê me ewlehiya lezgîn bidim dest pê kirin. Ketinên nava welat ên qedexe dê bêne asteng kirin. Yê biyanî emê bi paş ve bişînin. Ezê gotina "Li Meksîkayê biminîn" bînim cih.

PETROL Û GAZ

- DYA wê bibe navenda hilberînê. Di destê m ede petrol û gaza xwezayî heye, emê van bitar bînin. Emê buhayê daxin. Emê rezervên me dagirin. Emê ji nû ve bibin welatek dewlemend. 

- Emê zagona erebeyên elektrîk saz bikin. Emê piyaseya erebeyên me rizgar bikin. Hûn kîjan erebeyê bixwazin hûnê bikirin. Ji bo baweriya xebatkarên piyaseya erebeyan jî sipasî dikim. 

- Ezê karkerên Amerîkayê jî biparêzim.

- Ezê hemû sansura dewletê ji holê rakim, carek din azadiya ramanê bînim Amerîkayê. Edaleta adil, bê alî saz bikim. Ezê hiqûq û pergalê bînim bajarên me. 

- Ezê artêşa herî xurt a DYA'yê ava bikim. Serketina me ne bi ketina nav şeran, belkê bi neketina nav şer bê dîtin û qebûlkirin. Ez dixwazim wekî kesê aştîxwaz bême bibîranîn. Roja ez hatim ofîsê, hûn dibînin li Rojhilata Navîn yên dîl hatine girtin vedigerin malên xwe.

- DYA wê bibe welata herî xurt, ya herî zêde hurmet lê nîşan didin. 

- Coya Panamayê me nedaye Çînê, lê Çîn niha bikar tîne, emê vê bi paş ve bigirin.