Diyarnae
TUSÎAD'ê (Komeleya Karsaz û Sanayîkarên Tirk) îro Lijneya Xwe ya Giştî ya Asayî li dar xist. Di lijneyê de Serokê TUSÎAD'ê Orhan Turan û Serokê YÎK'a (Konseya Îştîşareyê ya Bilind) TUSÎAD'ê Omer Aras rexne li hikumetê rewşa heyî girtin.

TUSÎAD'ê ku berê gelek caran polîtîkayên hikumetan rexne dikirin, ev demek bû bêdeng bûn. Îro ew rexne dîsa hatin ziman.

Serokê TUSÎAD'ê Orhan Turan di civînê de li dijî kayûman gotina xwe got. Turan li ser rewşa Tirkiyeyê jî wisa got, "Dawiya nûçeyên li ser karên qirêj, karên şêlandin, karaborsayê nayê. Ji bo pêkanîna sûcê sazkirina rêxistinê, ji avakirina kompaniyeke bi hêsantir bûye."

Dîsa Aras jî pêşkêşiyeke kir. Di pêşkêşiya bi sernavê "Di jiyana polîtîk de bûyerên awarte" de qala teymenên ji artêşê hatine qewirandin jî, qala kayûman jî hat kirin.
Va ne çend gotinên Aras:
- Şaredarên hatine hilbijartin ji kar têne girtin û kayûmê dişînin cihê wan.
- Karsanek ku menajeriya gelek hunermendan dike tê girtin.
- Der barê Şaredarekî Bajarê Mezin de piştî çend deqîqeyên axivî lêpirsîn tê destpêkirin.
- Rojnamegerên dîtinên pêzanan belav dikin têne binçavkirin, gerînendeyê weşanê tê girtin.
- Divê di peywirdakirinê de lîyakat hebe.
- Serdestiya hiqûqê û daraza serbixwe lazim e. 
- Perwerdehiya berî dibistanê divê mecbûrî û bê pere be. Divê dibistan ji bandora tarîqetan dûr bê girtin.

Berdevkê AKP'ê Omer Çelik, Wezîrê Edaletê yê Tirkiyeyê Yilmaz Tunç û Cîgirê Serokê Giştî yê AKP'ê Efkan Ala dijî gotinên Serokê TUSÎAD'ê Orhan Turan û dijî gotinên Aras derketin.