Diyarname
Roja 18'ê mehê li Amedê maça Amedspor û Erzeromsporê hebû. Ji ber bûyerên li nav maçê îro ceza li Amedsporê birin.

PFDK'ê (Lijneya Dîsîplînê ya Fûtbola Profesyonel) a TFF'ê (Federasyona Fûtbolê ya Tirkiyeyê) îro ceza li Amedsporê birin.
PFDK'ê di encama nirxandinan 2 maç cezayê lîstina bê temaşevanan li Amedsporê birî.
Va ne biryarên PDFK'ê yên ji bo Amedsporê:
- Cezaya ji bo temaşevanan: Qertên temaşevnên Trîbuna Rojava Aliyê Jêr (109-110-111), Trîbuna Rojhilat Aliyê Jêr (132-133) û Trîbuna Başûr Aliyê Jêr (122-123) hatin blokkirin, ew dê nikarin maçek bêne temaşekirinê.
- Cezaya ji bo klûbê: Amedspor 2 maçan bê temaşevan wê bilîze. Pêre jî 220 hezar TL cezayê pereyan li klûbê birîn.
- Cezaya bo lîstikvanan: Qeleparêz Veysel Sapan bi cezaya nelîstina 12 maçan û 96 hezar TL; ji bo Mazlum Kiliç 5 maçan qedexeya hatina odeya lîstikvanan û klîba yêdekan, pere jî 40 hezar TL cezayê pereyan; antrenör Erhan Olker bi cezayê 7 maçan ku ji tîmê dûr bimîne û 56 hezar TL cezayê pereyan.

Sapan: Ez vê cezayê qebûl nakim
Qeleparêz Veysel Sapan li ser hesabê xwe yê X'ê got, "Bûyerên hê mezintir heta niha çêbûne lê cezayên wisa giran nehatine dayîn. Bi ser de jî bûyerek wekî du pevçûn nişan dane û wisa ceza dane. Jê wêdetir derbarê lîstikvanê reqîb ku êrîşê min kiriye û peywirdarên wan ê êrîşkar de tu ceza nehatiye dayîn."
Sapan gotiye "ez vê cezayê qet qebûl nakim" û gotiye, "Ligel klûba me, beşa me ya hiqûqê emê itiraza xwe bikin. Ji bo li sehaya fûtbolê edalet, wekhevî û heqaniyetî çêbibe emê heta dawî têkoşîna xwe bidomînin."