Amed
Şaredariya Yenîşehîra Amedê bi navê "Rojên Çand û Hunerê" wê çalakiyên ku 3 rojan bidomin li dar bixin. Di çalakiyan de pêşangeh, lîstina lîstikên şanoyê, konser, klamên dengbêjan û xebatên ji bo zarokan dê hebin. Şaredarî bangî beşdariyê kir.

Çalakî wê rojên 12, 13 û 14'yê rezberê li Kuçeya Hunerê ya li Ofîsê li dar bikevin.
Li gor agahiya şaredariyê belav kiriye bername bi vî rengî yek:
12'yê rezberê: Vekirina Pêşangeha wêneyan, li darxistina semînera  li ser tundiya li dîjî jinan û muzîk. Di vê beşê de jî wê erbane hebe, dengbêj wê klaman bêjin û her wiha Koma Hevra wê konserê bide.

13'ye rezberê: Vekirina Pêşangeha wêneyên portreyên jinan, xwendina helbestan, lîstika lîstika şanoyê û li darxistina atolyeyan.

14'yê rezberê: Semînera li ser bikaranîna madeyên hişbir, lêxistina erbaneyê, guhdariya klamên dengbêjan û konsera Hamit Karadeniz.

Her wiha her roj ji bo zarokan çalakiyên taybet ên kolanan dê werin lidarxistin. Şaredariyê gel vexwend rojên çand û hunerê.