Diyarname
Niha li avahiya Neteweyên Yekbûyî (NY) civîn heye. 80'emîn civîna NY'yê ye û piraniya dewletên endam beşdar bûune. Ji bo vê civînê Serokomarê Fransayê Emmanuel Macron hevserokatî dike. Macron li vê derê eşkere kir ku wan bi awayekî fermî dewleta Filistînê qebûl kiriye.
Piştî Fransayê, welatên wekî İngilistan, Portekîz, Kanada û Avustralyayê jî bi awayekî fermî dewleta Filistînê nas kirin.

Nûnerê Daîmî yê NY'yê yê Îsraîlê Danny Danon dijî vê biryarê got, "Ger Hamas pesnê vê civînê dide û vê yekê wekî serketina êrîşa 7'ê Kewçêrê dibine wê çaxê li vê derê pirsgirêkek heye. Ger rêxistineke terorê tiştên li vê derê diqewimin dipesinîne, ev şerm e."

Serokwezîrê Îsraîlê Benjamin Netanyahu jî divî vê yekê daxuyanî da û got, "7'ê Kewçêrê piştî komkujiya mezin, ji bo rêberên ku dewleta Filistînê dinasin peyameke min a eşkere heye: Hûn xelateke mezin didin terorê. Û peyameke min a din bo we heye: Ev yek dê çênebe. Li rojavayê Urdunê dê dewleteke Filistînê neyê avakirin."

Her wiha Netanyahu got ku piştî ez ji DYA'yê vegerim ezê bersiveke tujtir bidim.