Diyarname
Vê êvarê Serokdewletê DYA'yê Donald Trumpî Serokomarê Tirkiyeyê Recep Tayyip Erdogan li Koşka Spî kir mêvan.

Berî hevdîtina wan 15 deqe ji bo çapemenî pirsan bipirse dîmen dan û dûre derbasî civîna taybet bûn.
Trumpî ji bo Erdoganî got, "Li welatê wî û li dinyayê hurmet nîşanî Erdogan didin. Ez û  Erdogan zû de ye em heval in, hurmeta min jêre heye. Têkiliya me ya baş heye. Emê karê bazirganî ya ligel Tirkiyeyê zêdetir bikin. Di hevdîtinê de li ser F-16 û F-35'an emê biaxivin."x

Trumpî ji bo meseleya Filistînê jî got, "Ligel Erdogan li ser Gazzeyê me hevdîtineke baş kir, em li ser rêya lihevkirinê ne. Ligel rêberên herêmê jî me hevdîtin çêkir. Ez bawerim emê çareserî çêbikin lê divê kesên dîl bêne berdan."

Trumpî li ser Sûriyeyê got, "Ev serketina Erdogan e" û got, "Gere em firsendeke bidin Sûriyeyê. Erdoganî ji min xwest em ambargoya li ser Sûriyeyê rakin."
Trumpî ji Erdogan xwest ku kirîna gaz û petrolê ji Rusyayê bidin sekinandin.