Diyarname
Di hilbijartina ji bo Parlemena Iraqê ku duh li dar ket de du partiyên kurdan derketin pêş. PDK û YNK'ê encamên baş bi dest xistin.

Komîsyona Bilind a Serbixwe ya Hilbijartinan a Iraqê encamên pêşîn ên hilbijartina ku 11'ê mehê li dar ket eşkere kirin. Hilbijartin li hemû parêzgehên Iraqê û li Herêma Kurdistana Federe çêbû.
Va ne kîteyên ji encamnameyê:

- Di hilbijartina ji bo Parlemena Iraqê de beşdarî bi sedî 56,11 çêbûye.

- Ji partiyên kurdan PDK'ê cara yekê mîlyonek deng derbas kir ku ev yek ji bo PDK'ê girîn Bû. PDK'ê mîlyonek û 99 hezar û 826 deng girtine.
- YNK bûye duyem, bi temamî  548 hezar û 296 deng gitine.

PDK 27, YNK 18
-PDK'ê bi temamî 27 kursî bi dest xistin, YNK 18 kursî bi dest xistin. Tevgera HelWestê 5 kursî, Yekgirtû (Yekgirtûya Îslamî ya Kurdistanê) 4 kursî (2 li Silêmanî, 2 li Dihokê), Nifşê Nû 3 kursî (Hilbijartina borî de 9 kursî girtibû), Komel (Komela Dadgehî ya Kurdistanê) kursiyek (Li Silêmanî) girt. Bi temamî partiyên kurdan 58 kursî bi dest xistin û bi van parlemen şandin Parlemena Iraqê.

PDK û YNK LI HERÊMÊN XWE YEKEM IN
- PDK li Hewlêr û Duhokê bûye yekem. Li Hewlêrê 9, li Dihokê 9 kurdî girtin. Li bajarên din jî li Mûsilê 6 kursî, li Silêmaniyê 2, û li Kerkûkê jî kursiyek bi dest xist.
- YNK li Silêmanî û li Kerkûkê bûye yekem. YNK'ê li Silêmaniyê 9, li Kerkûkê 4 kursî girtin. Li bajarên din, li Hewlêrê 3 û li Misûlê jî 2 kursî girtin.

HELBESTÊ 5 KURSÎ GIRTIN
- Tevgera Helwestê ji Goranê veqetiya bû cara pêşî beşdarî hilbijartinê bû. Tevgera di bin serokatiya  Elî Heme Salih de li Silêmanî 3 û li Hewlêrê 2 kursî girtin.

BAJAR BI BAJAR
- Silêmanî: YNK 9, Helwest 3, Nifşê Nû 2, Yekgirtûya Îslamî 2, PDK 2, Komel 1 kursî.
- Kerkûk: YNK'ê 4, PDK'ê kursiyek. Ereban 3 kursî, Eniya Tirkmenan 2 kursî, Erebên Xiristiyan (nêzî YNK'ê ne) kursiyek û Koalîsyona Azîm kursiyek girtine.
- Duhok: PDK 9 û Yekgirtûya Îslamî 2 
- Li Misûlê PDK'ê 6 kursî, YNK'ê 2 kursî girtine.

AGAHIYÊN LI SER PARLEMENA IRAQÊ:
- 20 mîlyon û 63 hezar û 773 hilbijêr hene
- 7 hezar û 745 kes bûne berendamên mebûsiyê.
- 329 kes wê bêne hilbijartin. Yanê li Parlenê 329 mebûs hene.
- 9 mebûs ji bo kotayan in.
 

***

Nûçeyên Eleqedar:

- Barzanî û Talebanî peyam belav kirin

- Notên li ser hilbijartina Iraqê û hejmara kursiyên ku partiyên kurdan girtin