QAMIŞLO
Rojnameya Ronahî ku li Bakur û Rojhilatê Sûriyeyê-Sûriyeyê bi zimanên kurdî û erebî weşanê dike, 4 rûpel li beşa kurdî zêde kirin. 

Rojnameya Ronahî, 27’ê mehê dest bi weşana xwe ya nû kir. Rojname berê 20 rûpel bû ku 12 bi erebî, 8 bi kurdî bû. Rojnameyê niha 4 rûpelên din ên kurdî lê zede kirin. Bi vî awayî êdî rojname wekî 24 rûpelan, 12 bi kurdî, 12 bi erebî wê derê.

Li gorî nûçeya ANHA'yê ku ji rêveberên rojnameyê girtiye, rêveberên rojnameyê gotine hem ji ber pêwîstiya pêvajoyê û hem jî pêşketina derfetên beşa kurdî, dewlemendkirina rojnameyê ev biryar daye.

Rojnameya Ronahî roja 16'ê kewçêra/cotmeha 2011'an li taxa Şêxmeqsûd a Helebê dest bi weşanê kiriye. Piştî destpêkirina Şoreşa 19'ê Tîrmehê (2012), rojnameyê sala 2013`an li bajarên Qamişlo û Efrînê navendên xwe vekirine. Rojname destpêkê bi awayê nêzî kovarekî derdiket. Bi demê re bi pêş ket û di sala 2014’an çapên kurdî û erebî ji hev hatin veqetandin.

WEŞAN RAWESTIYA BÛ
Roja 11'yê vê mehê ji ber pirsgirêkên teknîkî ya li Çapxaneya Şehîd Herekol a li Derikê weşana rojnameyê hatibû rawestandin. Wan rojan rojnameyê online weşana xwe dom kir. Piştî 3 hefteyan ku pirsgirêk çareser bûn carek din dest bi weşana çapkirî kir.