Diyarname
3'yemîn Festîvala Fîlman a Navneteweyî ya Amedê li ÇandAmedê bi merasimek dest pê kir. FesTîval îsal diyarî pêvajoya aştî û civaka demokratîk kirin. Festîval heta 14'ê mehê didome.
Festîval ji aliyê Şaredariya Bajarê Mezin a Amedê, Akademiya Sînemayê ya Rojhilata Navîn û Sinebîrê ve tê bi rê ve birin.

PÊŞANGEHA 'RÊ'
Di merasimê de "Pêşangeha Çîroka Rê-Sirgûnê" jî hate vekirin. Pêşangeh bi ser fotoyên di pirûka Edi Hubsmidt "Pêşangeha Çîroka Rê-Sirgûnê" de cip girtine hatiye amadekirin. Kuratoriya pêşangehê Mahmut Wenda kiriye û 16 hunermendan bi ser fîlmê Yilmaz Guney re îlham girtine û wêne amade kirine.
Kurator Wenda di vekirina pêşangehê de got ku mîrateya Yilmaz Guney ji bo me hiştiye ew dikin bigihînin pêşerojê. Pêşangeha heta dawiya festîvalê dê bidome.

RAGIHANDINA JI BO PÊŞEROJÊ
Piştî pêşangehê derbasî dema konserê bûn lê berî wê  ji Akademiya Sînemayê ya Rojhilata Navîn Sîpan Dagdeviren qala lidarxistina festîvalê kir û got, "Em îro li Amedê çîrokek nû dinivîsin. Ev festîval dê rê nîşanî sînemagerên pêşerojê bide, çîrokên wan bigihîne pêşerojê."
Dûre Hevşaredarên Bajarê Mezin a Amedê Serra Bucak û Dogan Hatun axivîn
Piştî axaftinan hunermend Alî Akbar Mûradî û Azîz Kangarlu derketin ser dikê û konsera xwe pêşkêş kirin. Paşê koma govendê ya KASED'ê govenda herêma Rihayê pêşkêş kir.

NÎŞANDAYÎNA 'KARDEŞ TURKULER'
Herî dawî di merasimê de belgefîlmê derhêner Çayan Demirel û Ayşe Çetinbaş "Kardeş Turkuler" hat nîşandayîn.

FÎLMÊ FESTÎVALÊ
Di festîvala ku heta 14'ê mehê didome de fîlmê metrajdirêj, kurtefîlm û belgefîlm ên neteweyî û yên ji qada navneteweyî hatine hene. Ji bilî nîşandayîna xebatên li ser atolyeyê jî di festîvalê de hene.

**

Nûçeyên Eleqedar:

- Kurtefîlmên li Amedê wê bêne nîşandayîn

- Belgefîlmên ku li Amedê wê bêne nîşandayîn diyar bûn

- Fîlmên Metrajdirêj ên Festîvala Amedê diyar bûn