Diyarname
Hunermenda Eyşe Şan ku di salvegera mirina wê de bi hin çalakiyan tê bibîranîn.

Şaredariya Bajarê Mezin a Amedê di 29'emîn salvegera mirina  Eyşe Şanê bi hin çalakiyan wê bibîr tîne. Çalakî wê du rojan bidomin.

Bernameya bîranîna Eyşe Şanê wê rojên 17 û 18'ê mehê li dar bikevin. Bernameya pêşî roja  17'ê mehê 18.30'yan wê dest pê bike. Ev bernameya li Salona Çandê ya Alî Emîrî li dar bikeve, lîstika derhêner Mîrza Metîn wê derkeve ser dikê. Lîstaka ku Berfîn Zenderlîoglu têde dilîze qala jiyana Eyşe Şanê dike.

18'ê mehê saet 13.00'an wê Eyşe Şan li ser gora wê ya li Yenîkoya Amedê bê bibîranîn. Heman rojê saet 18.00'an li Salona Çandê ya Elî Emîrî dê panela bi sernavê “Jiyana Muzîkê ya Eyşe Şanê” li dar bikeve..
Panela ku Saliya Ayata wê moderatoriya wê bike, Berfîn Zenderlioglu, Zeynep Yaş wê li ser Eyşe Şanê biaxivin.
Herî dawî jî wê êvara heman rojê saet 19.30 de konsereke taybet li dar bikeve. 25 hunermend wê ji repertuara Eyşe Şanê stranan bistrên.

EYŞE ŞAN KÎ YE?

Eyşe Şan di sala 1938'an de li Amedê hatiye dinê. Di 20 saliya xwe de bêyî dilê wê, wê dizewicînin. Keçek wê çêdibe, paşê dest ji mêrê xwe ber dide. Piştî vê kêliyê di Radyoya Entabê de dest bi strînê dike. Di destpêka salên 1960'î de bi kurdî û tirkî stranan distrê û ji ber kurdî rastî zordariyê tê. Wan salan strana wê "Xezal Xezal" navdar dibe.
Eyşe Şan di sala 1972'yan de diçe Almanyayê, dibe penaber.
Di sala 1979'an de diçe Bexdayê û li Radyoya Bexdayê stranan distrê. Li vir ligel hunermendên wekî Mihemed Arifê Cizîrî, Hesen Cizîrî, Tehsîn Teha, Meryem Xan, Îsa Berwarî hev dinasin û di gelek konseran de bi hev re distrên.
Dixwaze vegera Amedê lê ew û xizmên wê li hev nakin; berê xwe dide Îzmîrê. Di 18'ê berfanbara 1996'an de li îzmîrê dimire.

"Xezal Xezal", "Lê lê Xifşê", "Lê lê bêmal", "Lorke", "Qederê", "Siverek Yollarinda", "Gurbette", "Hey wax dayê" hin stranên wê ne ku zêde tene zanîn.