Roja 11'ê mehên notên li ser şerê li Taxên Kurdan Eşrefiye û Şêx Meqsûdê:

3 XEBATKARÊN HEYVA SOR A KURD HATIN REVANDIN
Li Taxa Şêx Meqsûd 3 xebatkarên Heyva Sor a Kurd hatin revandin. Hevserokê Heyva Sor a Kurd Dilgeş Îsa eşkere kiriye ku 3 xebatkarên wan ji aliyê hêzên girêdayî Hikumeta Demkî ya Sûriyeyê ve hatine revandin. Îsa bang li Xaça Sor a Navneteweyî û saziyên alîkariyê kiriye ku bikevin nava tevgerê.

46 BIRÎNDAR BIRIN REQAYÊ
46 birîndarên ku ji Şêxmeqsud û Eşrefiyê şeva din anîbûn herêma Rêveberiya Xweser birin Reqayê. Birîndar li Nexweşxaneya Leşkerî ya Şehîd Kendal û Nexweşxaneya Reqayê hatin bih cihkirin û dest dermankirina wan kirin.

BÎLANÇOYEK JI TAXÊN KURDAN
- Li gor hin agahiyên hatine belavkirin di êrîşên bi ser taxên kurdan de 23 endamên çekdarên ser Artêşa Demkî ya Sûriyeyê de mirine. Hin dibêjin hejmar ji vê zêdetir e.
- 4 tumenên cuda yên Artêşa Ereban a Sûriyeyê êrîş kirine.
- Di êrîşê re tang, yekîneyên topavêj û çekên giran bikaranîne. Her wiha balafirên bê mirov jî alîkariya wan kiriye.
- Li gor Reutersê bi ser 140 hezar kesî de mirov di van êrîşan de ji cihê xwe bûne. Lê hinên qalan bi ser 160 hezarî de dikin jî hene.
- Li gor agahiyan di êrîşê de 42 hezar leşkerê çekdar cih girtine. 124 tang, top, fuze, balafirên kefşê hatine bikaranîn.
- Heyva Sor a Kurd gotiye ku ji Taxa Şêx Meqsûd 100 birîndar derxistine.

CENAZE BIRIN ROJAVA
Di çarçoveya agirbesta qismî ya li taxên Şêxmeqsud û Eşrefiyê yên Helebê de, karwana cenazeyên kesên ku canê xwe ji dest dane û kesên birîndar bûne ji nexwaşxaneyan girtin û derbasî Bakur û Rojhilatê Sûriyeyê kirin. Erebeyên girêdayî Heyva Sor a Kurd gihîşt Rojava.
Bi sedan şêniyên Bakur û Rojhilatê Sûriyeyê ku bi armanca piştgiriyê ketibûn ser rêya Helebê, li deriyê bajarê Dêr Hafirê yê Tebqayê pêşwazî li karwanê kirin. Birîndarên anîn Rojava ji bo dermankirinê li nexweşxaneyan bi cih kirin.

*
PARTIYÊN KURDAN: ÊRÎŞÊN LI SER HELEBÊ BIDIN R AWESTANDIN:
Înîsiyatîfa Yekîtiya Demokratîk ku DBP, KKP, Partiya Azadî, DDKD û PDK-T têde ne li ser êrîşên li ser taxên Şexmeqsûd û Eşrefiyeyê daxuyaniyeke nivîskî belav kirin. 
Va ne hin notên ji daxuyaniyê:
- Li Rojhilata Navîn statukoya ku li dijî hebûna kurdan hatiye avakirin carek din li qada Sûrîyeyê tê zindîkirin. Îro êrîşên li ser taxên Şêxmeqsûd û Eşrefiyê yên li Helebê jî hêza xwe ji vê statukoyê digire.
- Çar roj in li Helebê taxên kurdan ji aliyê hêzên Hikumeta Demkî ya Sûrîyeyê ve hatine dorpêçkirin, li dijî niştecihên sivîl çekên giran tên bikaranîn. Gelek  sivîl hatin qetilkirin û mafê jiyanê yê gelê sivîl bi awayekî aşkere hê jî tê binpêkirin.
- Em bang li raya giştî dikin ku li hemberî êrîşên li ser Şêxmeqsûd û Eşrefiyê bêdeng nemînin; lewra herî kêm jiyana 200 hezar kesî di bin xetereyeke mezin de ye. Taxên Şêxmeqsûd û Eşrefiyeyê bi veguherînekê û xetereya ku taxan bê kurd bihêlin heye. Em bang li Koalîsyona navneteweyî dikin ku li dijî xetereyeke wiha tedbîran bigirin.
- Rejima nû ya li Şamê tevî guhertin û geşedanên ji bo ‘Sûrîyeke nû’, naxwaze ku gelê kurd û pêkhateyên xwedî mafên xwe yên rewa bin. Ji ber vê, em dema êrîşên li ser kurdên Helebê jî balkêş dibînin. Lewra êrîşên li Helebê, piştî hevdîtinên rû bi rû li Şamê yên Hêzên Sûrîyeya Demokratîk (HSD) û hikumeta demkî ya Sûrîyeyê hatin destpêkirin. Em dizanin ku armanc tenê ne taxên Şêxmeqsûd û Eşrefiyê ye; armanc tunekirina destkeftiyên gelê kurd e, rûxandina pergala demokratîk a Rojavayê ye.
- Li dijî DAÎŞ'ê şerekî mezin hat meşandin û bi deh hezaran keç û xortan canê xwe dan. Lê mixabin tevî bendewariya demokrasi û azadiyê, îro rejima nû ya Sûrîyeyê jî pratîkên rejima Baasê dubare dike. Heta mejiyê ku nasname û baweriyan wekî xetere dibîne neguhere û mafên tevahiya pêkhateyan neyên naskirin, Sûrîyeke ewle jî ava nabe.
- Rojava bi têkoşîn û berxwedana xwe ya li dijî çeteyên hov mohra xwe li dîroka mirohiyê xist. Ji Amedê heta Hewlêrê, ji Mehabadê heta kurdên li dîasporayê, Rojava ji bo her kurdekê êdî xeta sor e. Dive hemû hêzên herêmê û navneteweyî bizanibin ku dema mijar bibe Rojava sekna gelê kurd yek e. Gelê kurd di Nîsana 2025'an de bi konferansa yekrêzî û yekhelwesta kurd jî nîşan da ku destkeftiyên li Rojava jêneger in.
- Banga me li dewletên herêmê ye ku rêz li hesasiyetên gelê kurd bigirin û dev ji dijayetiye gele kurd berdin. Dîsa banga me li li hêzên garantor e ku tenê li êrîşên dijî kurdan temaşe nekin, berpirsiyariyên xwe bi awayekî adilane bînin cih. Divê hevdîtinên di navbera QSD'ê û Şamê de jî bi armanca entegrasyoneke demokratîk bidomin û hemû aktor roleke avaker û hêsanker bilîzin.”
-  Em bang û gazî li gelê xwe yê rûmetdar jî dikin ku li her qadê li destkeftiyên xwe xwedî derkevin. Lewra tiştê ku dê deriyê serkeftinê veke, bêguman yekîtiya neteweyî ya kurd e. Ji ber vê, banga mîlyonan kurd ew e ku êrîşên li ser taxên kurdên demildest werin rawestandin, rêz li mafên gelê kurd were girtin. Rojava ne tenê ye, gelê kurd dê hertim li rûmeta xwe xwedî derkeve. Bijî berxwedana Rojava!