BAYINDIR: BILA HEYETÊN DINYAYÊ JÎ BÊN VÊ DERÊ
Hevserokê DBP'ê Keskin Bayindir ku ligel heyetê niha li Rojava ye ji bo Ronahî TV wisa got, "Me xwest em berê dinyayê bidin vê derê, bala dinyayê bikişînin ser vir. Bila ji dinyayê jî heyet bên. Em nahêlin ev der bê fetisandin. Loma jÎ hatina şandeya me gelek muhîm e, wê hêz bike berxwedanê, loma me got em herin vê derê.
Çawa li Bakur û li Tirkiyeyê em li ser piyan e, me xwest em vê nîşanî kurdên me yên vê derê jî, yên dinyayê jî bidin. Bila saziyên navneteweyî jî berê xwe bidin vê derê. Em berxwedana Rojava silav dikin. Vê berxwedanî wijdanê mirovahî rakir ser piyar. Bi tayberî berxwadan Rojava bûye qibleya 60 mîlyon kurdî. Kurdan berê xwe daye vir, radibin û rûdinin. Ev yek wê serketineke bo Rojava û bo gelê me bîne.
*
Heyet wê here Qamişloyê, li wê derê hevdîtinan bike û peyaman bide. Hemû hevdîtin ji bo çapemenî dê vekirî bin.
*
Agahiya serê sibê:
Heyeta DEM Partî û DBP'ê gihîşt Rojava. Di nav heyetê de Hevseroka DEM PArtî Tulay Hatimogullari, Hevserokê DBP'ê Keskin Bayindir, Berdevka Îsniyatîfa Yekîtiya Demokratî Gulcan Kaçmaz, Îsniyatîfa Yekîtiya Demokratî Îmam Taşçier, Berdevka SODAP'ê Kezban Konukçu, Berdevka TJA'yê Çimen Fidan, Dayika Aştiyê Asya Tay, Rêveberê OHD'ê Mehmet Ali Aslan, endamê Kongreya Îslama Demokratîk Ali Angay, Mebûsê DEM Partî yê Mêrsînê Ali Bozan, Serokê Baroya Mêrdînê Ahmet Duyan, Serokê Baroya Amedê Abdulkadir Guleç û endamê Lijneya Rêveberî yê Baroya Batmanê Rustem Siyahtaş heye.

Heyet ji Zaxoyê çû Rojava. Endamên Rêveberiya Xweser pêşwazî lk wan kir.

Di dîroka kurdan de ev cara yekê de ji Bakur heyeteke wisa astbilind diçe Rojava. Piştî agirbesta duh, xirecira hê heyî ya li Rojava jî ev çûnê balkêştir dike. Heyet ligel rêveberên Rêveberiya Xweser û partiyên din dê hevdîtinê bike.

Wê kengê vegerin hê nediyar e lê tê gotin piştî vegerê li Başûr jî dê heyet hin hevdîtinan bike.