Amed
Şanoya Bajêr a Şaredariya Mezin a Amedê (DBŞT), bi lîstika xwe ya nû ya ji bo zarokan “Hişê Min Tevlihev Bû” li ÇandAmedê derket pêşberî temaşevanên xwe yên piçûk. Ev lîstina taybet a ji bo zarokan, xwendekarên ku li navendên perwerdeyê yên Şaredariya Peyasê dixwînin û malbatên wan anîn cem hev.

ÇÎROKBÊJÎ Û PALYAÇO
Zarokên ji Navendên Perwerdehiyê yên Xelîl Brahîn Oruc, Aydin Erdem û Mîr Celadet Alî Bedirxan ku di bin rêveberiya Gerînendetiya Çandî û Karên Civakî de kar dikin, beşdarî temaşekirina vê şanoyê bûn. Yasîn Yureklî lîstik nivîsandiye û derhêneriya wê kiriye. Di lîstikê de bi şêweyeke hemdem, bi çîrokbêjî û teknîkên palyaçoyî yên bi hostetî li hev anîne, bi vî awayî atmosfereke nepen diafirîne û bala zarokên ji 5 salî û mezintir dikişîne ser xwe.

ZAROKEK JI XEW ŞIYAR DIBE, KES LI SER RÛYÊ DINÊ TUNE E
Şahperî Alphan, Elvan Koçer, Omer Şahîn, Zeycan Ateş, Rêzan Kaya û Sena Ozbey wekî lîstikvan têde cih girtine. Çîroka lîstikê rêwîtiya razdar a zarokek dişopîne; Zarok sibehekê ji xew şiyar dibe û dibîne ku nikare malbata xwe an jî tu kesek din li ser rûyê erdê bibîne. Di vê rêwîtiya hundirîn de, bi alîkariya tovekî çerxa jiyanê ya di xwezayê de ji nû ve vedibîne û têkiliya di navbera jiyan, mirov û xwezayê de ji perspektîfeke nemirov-navendî diceribîne.
Zarok û malbatên xwe di dema pêşandanê de kêliyên xweş û bîranîn derbas kirin. Rayedarên şaredariyê tekez kirin ku ew ê çalakiyên çandî û hunerî yên bi vî rengî ku xwendekaran bi zimanê zikmakî li dora hunerê dicivînin, bidomînin.