Diyarname
Xelata Koprude Buluşmalar îsal 21’emîn car dibin banê Festîvala Fîlman a Stenbole de li dar dikeve. Di vê xebatê de projeyên têne nirxandin, piştgiriya wan tê kirin. Niha projeyên ji bo vê xelatê hatine qebûlkirin, hatin eşkere kirin.
Festîvala Fîlman a Navneteweyî ya Stenbolê îsal di navbera 9-19’ê avrêlê de li dar dikeve. Di vê çarçoveyê de Koprude Buluşmalar jî wê dinavbera 14-16’ê mehê de li dar bikeve û projeyên bi ser bikevin dê bêne xelatkirin.
Di vê platformê de fîlmên metrajdirêj û belgefîlm bêne nirşandin. Kesên xwedî projeyan dê pêşkêşî bikin û saziyên navneteweyî jî dê binirxînin.
Îsal 103 projeyî serî li Koprude Buluşmalar daye. Sazkar Asli Filiz, sazkar û nûnerê firotinê Denis Krupnov, sazkar Melanie Blocksdorf û derhênera festîvalê Tsveta Dobreva proje nirxandine û ji nav van 9 proje hilbijartin û ji bo Koprude Buluşmalar qebûl kirine.
Ji van projeyan 4 jê fîlmên pêşîy ên derhêneran in, bi giştî 7 fîlm û 2 belgefîlm hatine hilbijartin.
Va ne projeyên girtine nava Platforma Pêşxistina Fîlman:
- Agir Agir Giden Eller (derhêner Dilşad Aladag, sazkar İpek Erden, sazkarê şirîk Burak Çevik)
- Apollo Adasi (derhêner Bariş Sarhan, sazkar Umut Egitimci, Bariş Sarhan, Tolga Topçu)
- Dante, 0 (derhêner Esra Saydam, sazkar Alvaro R. Valente, Melis Aker)
- Leviathan (derhêner Onur Sefer, sazkar Sinem Kanat)
- Liman (derhêner Gokhan Bulut, sazkar Jozef Erçevik Amado, Deniz Anastasia Keskin)
- Pivot (derhêner Melisa Onel, sazkar Alara Hamamcioglu Bayraktar, sazkarê şirîk Konstantina Staurianou)
- Sensiz Kişi Geçiremezdim (derhêner İlhan Mahir Kalaylioglu, sazkar İlhan Mahir Kalaylioglu, sazkarên şirîk Can Adiloglu, Şivan Kayaş)
- Tuccar (derhêner Arin İnan Arslan, sazkar Arin İnan Arslan, Selda Durna)
- Yerebasan ~ Yeralti Urfa Hikâyeleri (derhêner Letisya Tapan, sazkar Letisya Tapan,  sazkara şirîk Dilek Aydin)
Perwerdekarên di asta navneteweyî de jîr, di meha adarê de wê li ser pêşxistina senaryoyê, teknîkên pêşkêşiyê, amadekirina dosyayê, fînansmana fîlman, şirîkatî, di çêkirina fîlman de bikaranîna AI, festîval, belavkirin û stratejiyên belavkirina fîlman de dersê bidin kesîn xwedî projeyan.

***

Nûçeyên Eleqedar:

- Festîvalê ‘Aci Hayat’ restore kir û wê nîşan bide

- Festîval li benda fîlman e