Diyarname
Li Rusyayê partiyeke bi navê "Yabloko" heye ku partiyeke lîberal û dij şer e. Bi taybetî ew dijî şerê Rusya û Ûkraynayê ye. Niha li Rusyayê ketina wê ya hilbijartinê hat qedexekirin.

Partiya Rodîna ku alîgirê KremlîNê ye û partiyeke nijadperest e 7'ê vê mehê serî li dadgehê da û xwest Yabloko nekeve hilbijartinê.
Dadgeha Bilind a Rusyayê 10'ê mehê li hev civiya û biryara qedexeya ketina hilbijartinê ji bo Yabloko da. 
Yabloko tekane partiya lîberal û dijî şer e dê beşdarî Hilbijartina Dumaya Dewletê (ku ev Duma wekî parlemena welat tê zanîn) biba, lê qeyda wan a hilbijartinê hat betalkirin.

Serokê Yabloko Nîkolay Rybakov piştî biryarê gotiye, "Tu sedema ku partiyê nexin hilbijartinê tune ye. Komîsyona Hilbijartinê ya NAvendî hemû li ser hemû belgeyên me lêkolîn kiriye û bi yek dengî biryar dabû ku em dikarin beşdarî hilbijartinê bibin."

Di heman demê Nikolay eşkere kir ku Wezareta Edaletê çend caran ji ber sedemên cuda li ser partiya wan lêkolîn kiriye û tu tiştek derhiqûqî nedîtiye.

Li aliyê din Serokê Rodina û mebûsê Dûmaya Dewletê Aleksey Juravlyov jî îdîa kiriye ku Yabloko di kampanyaya hilbijartinê de gelek tişt îhlal kirine.

Hilbijartinê Dumaya Dewletê di navbera rojên 18-20'ê rezbera 2026'an de li dar dikevin.