Diyarname
Dewletên Yekbûyî yên Amerîkayê (DYA) bi biryareke nû Sûriye ji nav lîsteya "Welatên piştgirî didin terorê" derxist. Ji sala 1979'an ve Sûriye di nav vê lîsteyê de ye. Ev biryar wekî piştgirî û qebûlkirina hikumeta demkî ya Sûriyeyê ya niha ye.

DYA'yê ligel vê biryarê HTŞ (Heyet Tahrîr Şam) ku niha li Sûriyeyê li ser kar e jî ji lîsteya "Rêxistina Terorîst a Gerdûnî ya Bi Taybetî hatiye diyarkirin" jî derxist.

Serokdewletê DYA'yê Donald Trumpî 8'ê tîrmeha borî li Enqereyê di civîna NATO'yê de ligel Serokê Demkî yê Sûriyeyê Ahmed Şara hevdîtin kiribû û wê çaxê gotibû ewê Sûriyeyê ji lîsteyê derxin.

Piştî vê biryarê di nav lîsteya DYA'yê ya "welatên piştgirî didin terorê" de tenê Îran, Kuba û Koreya Bakur man.

DYA bi vê yekê dixwaze rewşa aborî ya Sûriyeyê baştir bibe û aboriya Sûriyeyê entegreyê aboriya navneteweyî bike.

Wezîrê Xezîneyê yê DYA'yê Scott Bessent piştî biryarê got, "Ev gav dê îstîkrara aborî û siyasî ya Sûriyeyê bi pêş ve bibe û pêşî li razemeniyên nû veke."