Diyarname
Siyasetmedar Lahur Şêx Cengî ku ji par ve girtî ye, îro dadgehê ceza da wî. Dadgeha li bajarê Silêmaniyeyê 5 sal û 3 meh cezayê hepsê li Cengî birî.

Dadgehê got ku Cengî komek çekdar ava kiriye ku "ewlehî û îstîkrarê xira dike". Cengî ev îdîa red kir, lê dadgehê dîsa ceza lê birî.

Li aliyê din dadgehê 3 sal û 6 meh ceza li birê wî Polat Şêx Cengî û 2 sal jî li Rêbiwar Hamî Hacî Xalî birî.

Di 22'yê gelawêja 2025'an de hêzên girêdayî YNK'ê bi ser otela (Otela Lalezar) ku Lahur Şêx Cengî têde girtibû. Di navbera hêzên girêdayî YNK'ê û hêzên parêzvan ên Cengî de pevçûn derketibû, hinan canê xwe ji dest dabû.
Di encamê de Lahur Şêx Cengî û birê wî hatibûn girtin.

AGAHIYÊN LI SER CENGÎ
Lahun Şêx Cengî yekî YNK'yî bû. Piştî mirina Celal Talabanî ew û Bafil Talabanî ji bo serokatiya YNK'ê wekî Hevserok hatin hilbijartin. Lê desteya bilind a YNK'ê pêşî hevserokatiya Cengî betal kir û ew ji partiyê avêt (sal 2021). Piştî vê yekê Cengî partiya "Bereya Gel" ava kir.
Ev Bereya Gel beşdarî hilbijartina Parlemena Herêma Kurdistanê (2024) bû; 2 kursî bi dest xistin.
Piştî Cengî hat girtin partî lawaz bû lê hê heye.