Diyarname
Serokê DYA'yê Barack Obama bi Hevserokê PYD'ê Salih Muslim re li ser kurdên Sûriyê û rewşa Sûriyê axivî. Obama xwest ku PYD hemû kurdên Sûriyê temsîl bike.

Li gor agahiyên ku gihîştine ber destê me Serokê Dewletên Yekbûyî yên Amerîkayê (DYA) Barack Obama di gera xwe ya li Rojhilata Navîn ku 20'ê adarê dest pê kiribû de piştî çû Îsraîlê, ji wir derbasî paytexta Urdunê bû. Li gor çavkaniya ku agahî da me Obama li Urdunê bi Hevserokê PYD'ê Salih Muslim re hevdîtin pêkaniye. Çavkanî radigihîne ku Muslim ji Obama xwestiye ku di têkoşîna kurdan a Sûriyê de ew piştgiriyê bidin kurdan.

Çavkanî dibêje ku Obama bi Muslim re li ser rewşa Sûriyê, rewşa kurdên Sûriyê axiviye û jê xwestiye ku PYD pergala xwe li ser hemû kurdên Sûriyê saz bike; PYD bibe nûnerê hemû kurdên Sûriyê, ne beşek ji kurdan.
Çavkanî dibêje hevdîtina Obama û Muslim baş derbas bûye.

Wekî têbiniya Diyarnameyê: Em çavkaniya xwe eşkere nakin, lê em dixwazin bibêjin ku îro 1'ê Avrêlê, Roja Henakan a Cîhanê ye.