Diyarname
Saziyên sivîl û civakî li Viyanayê hatin cem hev û piştgiriya ku ji bo Bendava Ilisû tê dayîn şermezakir.

Nêzî 10 saziyên sivîl yên civakî li pêş Kontrol Bankê ku piştgiriyê dide Bendava Ilisuyê hatin cem hev û xwestin ku banqe piştgiriya xwe paş ve bikişîne.

Projojeya Bendava Heskîfê (Ilisu) ku ji aliyê banqayên Bazirganiyê yên Avusturya, Almanya û Swêdê ve tê fînanskirin ji aliyê deh saziyên sivîl yên civakî yên li Ewropayê ve hate şermezar kirin. Endamên 10 saziyan li ber ji banqeyên piştgiriyê dide projeya bendavê ya bi navê Kontrol Bankê ku li Paytextê Avusturyayê Viyanayê ye hatin cem hev. Saziyan bi pankart û sloganan li dijî têkbirina Heskîfê derketin, xwestin ku Kontrol Bank piştgiriya xwe ji projeyê bikişîne.

Li ser navê saziyên berhev bûyî Koordînatorê Ofîsa Heskîfê ya Komeleya Xwezayê Erkut Erturk, diyar kir ku projeya bendava Hesfîkê gelek zirar dide xweza û nirxên dîrokî. Erturk wiha got: "Di nava vê projeyê de du welatên ku endamên Yekîtiya Ewropayê (YE) ne, hene."
Ertuk, gimgimoka ku çend roj berî niha li Rihayê hate dîtin a navê 'Kîso Rafet' lê hatiye kirin bi bîr xist û wiha got: "Îro ligel 'Kîso Rafet' dê bi vê projeyê li gelek zindiyên ku hindik mane nifşê wan bi dawî bibe, bi hezaran sewal û zindî tevlî dîrokê bibin. Divê di demek nêzîk de ev proje bê rawestandin û hemû kes li hemberî vê projeye derkeve."

Saziyan xwest ku Kontrol Bank piştgirya xwe ya ji bo projeyê paşve bikişîne.