Diyarname

Mebûsê CHP'ê Sezgin Tanrikulu pêşraporeke ku ji 224 rûpelan pêk tê amade kir. Di rapora bi navê "Aştiya civakî bi demokrasiyê girtina bin ewlehiyê" de gelek xal bal dikişînin. Vane hin xalên ji vê raporê:

- Bila bendava hilbijartinê ji sedî 10 dakeve sedî 3'yan.

- Bila di siyasetê de qedexeyên ziman rabin.

- Partiyên ku beşdarî hilbijartinê dibin li gor dengên ku digirin bila ji xezîneyê alîkariyê bigirin.

- Erazeyên ku mayîn lê çikandine bila bên paqijkirin û li gundiyan bên belavkirin.

- Bila cerdevan di karên din de bêne peywirdarkirin.

- Navên cih, gund û mezrayan ku hatine guherandin navên wan ên berê li wan bê vegerandin.

- Bila Girtîgeha Amedê bibe muze. (Ev xal di 11.06.2013'yan de ji bo meclisê hatibû pêşkêşkirin lê bi dengên 'na' yên AKP'ê pêşniyar li Meclisê hat redkirin)

- Bila Newroz bibe cejna fermî.

- Bila komkujiya Helebçeyê bê qebûlkirin.

- Bila arşîvên Dêrsimê bên vekirin.

- Zagona vegera li gundan bê sazkirin.

- Astengiyên li pêşiya azadiya ramanê de bêne rakirin.

- Bila Wan wekî bajarê afetê bê ragihandin.

- Dawî li neheqiyên li girtîgehan bên.

Di raporê de hê gelek xalên din jî hene.

BDP'ê jî meha borî paketeke guhertina xalan a ji 25 xalan pêk hat amade kiribû û ragihandibû AKP'ê. Gelek xalên di wê paketê de û yên di rapora CHP'ê de dişibin hev. Vaye du partî li ser hin xalan li hev dikin. AKP'ya ku her qala demokratiya xwe dike, bixwaze di cih de bêyî pirsgirêk ev xal dikarin bêne guherandin. Rewş di mehên pêşiya me de (li payîzê) dê diyar bibe.