Diyarname

Di rojnameya Taraftê de kesek bi navê Emre Uslu heye. Uslu polîsekî berê ye, di heman demê de nêzî cemaetê ye. Ev Uslu îro digel Huseyin Ozkaya ji bo Tarafê nûçeyek nivîsî. Li gor vê Muşteşarê Wezarî Karên Derve yê Tirkiyeyê Feridun Sinirlioglu û Muşteşarê MÎT'ê (Teşkîlata Îstîxbarata Neteweyî ya Tirkiyeyê) Hakan Fidan bi Hevserokê PYD'ê Salih Muslim re axivîne û gotine li hemberî muxalefeta nayê qontrolkirin a li Sûriyê ewê piştgirî bidin PYD'ê.

Ew dibêje ku di hevdîtinê de Sinirlioglu û Fidan gotiye ewê xweseriya ku PYD'ê dê di demên pêş de ragihîne, Tirkiye dê qebûl bike.

Di nûçeyê de tê gotin ku Fidan piştî hevdîtinê çûye Îmralî û ev yek ragihandine Abdullah Ocalan jî.

Nûçeya Tarafê wekî sedem jî dibêje ku Tirkiye ji bo pêvajoya aştiyê ya li Tirkiyeyê nikare gavan biavêje, li hemberî vê yekê piştgirî dide PYD'ê, bi vî awayî pêvajoyê didomîne.

Gelek çavkaniyên cuda nivîskar Emre Uslu wekî zilamê Cemaetê bi nav dikin. Gelek tişt jî ji ber nîqaşa di navbera AKP'ê bixwe de (alîgerên Cemaetê û alîgirên din) dema dertên bi pênûsa kesên wisa tê ragihandin.
Disa wekî agahî, her çiqas Uslu dibêje Salih Muslim bi Hakan Fidan re axiviye jî Muslim di hevpeyvîna xwe ya bi M.Ali Çelebî re (30.07.2013, Ozgur Gundem) de gotiye ku me bi Hakan Fidan re xeber nedaye, di hevdîtinê de ew  tune bûye..

Akşam: Tirkiye herêmeke de-facto qebûl nake

Her wiha li gor nûçeya di rojnameya Akşamê jî Wezîrê Karên Derve yê Tirkiyeyê Ahmet Davutoglu di hevdîtina xwe ya bi Serokwezîrê Herêma Kurdistana Federal Nêçîrvan Barzanî de wisa gotiye: "Li ser sînorê Sûriyeyê em herêmek de-facto qebûl nakin", "Piştî Esad têk here pêvajo dê bi rêya demokratîkbûyînê çareser bibe." Nûçe dibêje Davutoglu ji bo Kongreya Neteweyî ya Kurdan a ku dê li Hewlêrê lidar bikeve jî metirsiyên Tirkiyeyê anîne ziman. 

Wekî gotina dawî û helwesta malpera me jî wisa ye: Heta ji devê aliyan neyê erêkirin her gotin îhtîmala derewê di nava xwe de dihebîne.