Diyarname
Tevgera Ziman û Parastina Kurdî (TZPKurdî) ji bo 5'emîn salvegera mirina wêjevan û zimanzanê kurdî Feqî Huseyîn Sagniç pêşbaziya çîrok, helbest, ceribandin û fablan da destpêkirin.

Feqî Huseyîn Sagniç ku yek ji avakarên Enstîtuya Kurdî ya Stenbolê bû di jiyana xwe de ji bo kurdî têkoşîneke mezin da û di sala 2003'yan de jiyana xwe ji dest da. Sagniç Enstîtuya Kurdî ev sê sal in ji bo bîranîna Feqî Huseyn Xelata Ziman a Feqî Huseyn dide û îsal jî TZPKurdî gaveke din ji bo bîranîna wî avêt. TZPKurdî di 5'emîn salvegera wefata Feqî Huseyîn Sagniç de pêşbaziyeke da dest pê kirin û armanca pêşbaziyê jî wisa diyar kir: "Armanca me ji vê pêşbaziyê ew e ku; em ziman, çand û wêjeya kurdî bi ciwanan bidin hezkirin û wan teşwîqî nivîsandina bi kurdî bikin. Ji pêşbaziyên heta niha hatine lidarxistin hinek cuda, me beş û çeşneke din, beşa fablan li beşên pêşbaziyê zêde kir. Ji ber ku Feqî Huseyn Sağnıç gelek ji fablan hez dikir û qîmeteke mezin dida fablan. Ji ber ku fabl di wêjeya kurdî ya devkî de xwedî cihekî payeberz in."

Kesên ku bixwazin beşdar bibin divê heta 15.02.2008'an berhemên xwe bişînin ber destê amadekarên pêşbaziyê û kesên ku bi ser bikevin jî dê di salvegera wefata Feqî Huseyîn Sagniç, di 12'yê adara 2008'an de bi merasimekê xelata xwe bigirin.

Şertên Beşdarbûnê:
1) Berhemên ku beşdarî pêşbirkê dibin divê ku li tu derê nehatibin weşandin.
2) Beşdar ger bixwazin dikarin beşdarî her beşê bibin, lê di her beşê de tenê bi nivîsekê dikarin beşdar dibin.
3) Divê ku fabl ji aliyê beşdaran ve hatibin nivîsandin, ango ne berhevkirî bin.  
4) Divê ku berhem li ser e-maîla tzpkurdiziman@hotmail.comEv e-mail bi ewlehiya bi spam e. Ji kerema xw ere JavaScriptê bike çalak.   an jî li ser e-maîla kurdiderwan@hotmail.comEv e-mail bi ewlehiya bi spam e. Ji kerema xw ere JavaScriptê bike çalak.  bêne şandin. An jî bi riya posteyê ji bo navnîşana li jêr hatî dayîn, were şandin. (Beşdarên li zindanan dikarin bi dest, an jî bi posteyê ji me re bişînin)  
5) Divê ku berhem li gor kaxiza A4 herî kêm rûpelek, herî zêde pênc  rûpel bin.
6) Divê berhem herî dereng heta 15’ê Reşemiyê bigihîjin destê me. Berhemên ku dê piştî 15’ê Reşemiyê bigihîjin destê me, dê nekevin pêşbaziyê. (Derengmayînên ji ber posteyê dê li ber çavan neyê girtin.)

Endamên Juriyê
Çîrok : Dilawer Zeraq, Fewzî Bîlge, Yaqob Tilermenî
Helbest  : Arjen Arî, Rênas Jiyan, Fatma Savci
Cerebe  : Omer Dilsoz, Cemîl Oguz, Hemdila Kovan Baqî
Fabl : Hîlmî Akyol,  Mustafa Gazî, Adar Jiyan
                    
Navnîşan:                          
TZPKurdî
Navnîşan: Cum.Cad. Özgül-Center İş Merkezi K. 3 No : 3 VAN
Tlf/fax: 0 432  215 64 57  E-mail: tzpkurdiziman@hotmail.comEv e-mail bi ewlehiya bi spam e. Ji kerema xw ere JavaScriptê bike çalak.

Feqî Huseyîn Sagniç kî ye?
 
Feqî Huseyîn Sagniç di sala 1926’an de li gundê Xoros a Xîzana Bedlîsê hatiye dinê. 1938’an de dest bi xwendinê kiriye, 4 salan di medreseyê de xwendiye. Sagniç 1958’an de rewşenbîrên kurd dinase, 1962’yan de jî beşdarê PDK-T’yê dibe.
Zimanzan Feqî Huseyîn Sagniç ku di nav avakarên Enstîtuya Kurdî ya Stenbolê de cih girt, di Enstîtuyê, di Navenda Çanda Mezopotamyayê de gelek caran dersên kurdî da, heta roja xwe ya dawî jî ji bo kurdî xebat kir, berhem derxistin. Feqî Huseyn Sagniç di 12’yê adara 2003’yan de jiyana xwe ji dest da.
Berhemên wî:
 “Hêmana Rêzimanê Kurdî”
 “Hewisîna Rêzimanê Kurdî”
“Pêşeriya Zimanê Kurdî”
“Çîrokên Kurdî”
“Dîroka Wêjeya Kurdî”
“Yusuf ile Zuleyna” (Ji alfabeya erebî veguhezandiye kurdî).

Not: Ev pêşbazî bi piştgiriya rojnameya Azadiya Welat û malpera Diyarname tê lidarxistin.