Diyarname

Hevserokê PYD’ê Salih Muslim got ku, ji aliyê YPG’ê ve bidestxistina deriyê sînor yê navbera Mûsil û Tir Koçerê li dijî ambargoyê alternatîfek nû çêkir û ew dê di milê siyasî de jî guhertinan bi xwe re bîne.

Hevserokê PYD’ê Salim Muslim tevî bultena nûçeyên îşev yên Stêrk TV bû û hinek mijarên di rojevê de nirxand. Muslim balkişand ser serkeftina YPG’ê ya Til Koçer kir ku ew der cîranê bajarê Mûsilê ye, ev serkeftin pîroz kir û got: “Ev serkeftina hemû Kurdistanê ye.”

Muslim da zanîn ku, serkeftina li Til Koçerê dê hem ji aliyê siyasî û hem jî aliyê aborî ve dê li rojavayê Kurdistanê guhertinan bi xwe re bîne. Muslim got ku, li dijî ambargoya li ser hemû rojavayê Kurdistanê alternatîfek nû çêbû.

Hevserokê PYD'ê Muslim balkişand ser hevdîtinên ber^s ya vê li Bexdayê pêkanî bûn û diyar kir ku, li dijî jurdan dijminahiyek tune ye û dşkera kir ku, Deriyê S^snor yê Til Koçer ji bo bazirganî û li dijî ambargoyê alternatîfek e.

Salih Muslim, îro darvekirina girtiyên siyasî ên kurd Hebîbûllah Gulperîpûr û Riza Îsmaîl Mamedî ji aliyê rejima Îranê ve bi zimanek tund şermezar kir. Her wiha ew li ser Konferansa Cenewre 2 ya di pêşengiya DYA û Rusyayê de li ser Sûriyeyê pêk tê nirxandin kir û wisa got: "Me bi derdorek berfireh re xebatên dîplomatîk dane meşandin û ji bo aliyan peyama 'Eger hûn bixwazin demokrasiyê bînin Sûriyeyê, heta pirsgirêka kurd çareser nebe ev nemimkûn e' şandiye. Di vê konferansê de kurd dixwazin bi vîna xwe beşdar bibin û ev vîn jî Desteya Bilind ya Kurd e." Muslim  diyar kir ku, di rewşa niha de li Sûriyeyê gelê herî birêxistinkirî, gelê kurd e û hêza leşkerî ya herî birêxistinkirî û bi dîsîplîn YPG’ye.

EM DÊ WEKÎ DÎWARÊ BERLÎNÊ PARÇE BIKÎN Û BIKIN BÎRANÎN

Muslim ji bo dîwarê ku Tirkiye dixwaze di navbera Rojava û Bakurê Kurdistanê de ava bike jî wekî “derveyî mirovahiyê” nirxand û got, li hemû cîhanê dîwarên şermê têne hilweşandin, Tirkiye hewil dide ava bike. Muslim got ku, rojekê kurd dê vî dîwarî wekî dîwarê Berlînê rûxînin û dê parçeyên wî jî wekî bîranîn pêşkêş bikin.